చై ఛాలెంజ్‌... ఈసారి స‌త్తా చాటేస్తాడు

అక్కినేని నాగ‌చైత‌న్య .. ప్ర‌స్తుతం చందు మొండేటి ద‌ర్శ‌క‌త్వంలో ప్రేమ‌మ్ రీమేక్‌ లో న‌టిస్తున్న సంగ‌తి తెలిసిందే. మ‌జ్ను అనే టైటిల్ వినిపిస్తున్నా అధికారికంగా క‌న్ఫ‌మ్ చేయ‌లేదింకా. ప్ర‌స్తుతం విశాఖ‌ప‌ట్నంలో షూటింగ్ సాగుతోంది. అక్క‌డ ఈ సినిమాలోని కొన్ని కీల‌క స‌న్నివేశాల్ని చిత్రీక‌రిస్తున్నారు. కాలేజ్ లెక్చ‌ర‌ర్ (శ్రుతిహాస‌న్‌)కి స్టూడెంట్ (చైతూ)కి మ‌ధ్య జ‌రిగే కొన్ని రొమాంటిక్ సీన్స్ తెర‌కెక్కిస్తున్నారు. అయితే ఈ స‌న్నివేశంలో ఓసారి ఫ్లాష్‌ బ్యాక్ కి వెళ్లాల్సిందే.

కాలేజ్‌ లో ర‌ఫ్ఫాడించే కుర్రాడిగా ఈ చిత్రంలో న‌టించాల్సి ఉంది. ఒరిజిన‌ల్ వెర్ష‌న్ మ‌ల‌యాళంలో నివిన్ పాళ్ నిజంగానే ర‌ఫ్ఫాడించేశాడు. అత‌డు చాలా ర‌ఫ్ స్టూడెంట్‌ గా అదిరిపోయే పెర్ఫామెన్స్ చూపించాడు. ఆ రేంజులో చైతూ చేయ‌గ‌ల‌డా? అన్న ప్ర‌శ్న‌ల బాణాల్ని సంధించారు మ‌న క్రిటిక్స్. అందుకే ఈ రోల్‌ ని ఎంతో ఛాలెంజింగ్‌ గా తీసుకున్నాడుట చై. ఎట్టి ప‌రిస్థితిలో ఈ క్యారెక్ట‌ర్‌ ని సినిమాకే హైలైట్ అయ్యేలా చేస్తాన‌ని ఛాలెంజ్ తీసుకున్నాడుట‌. గుబురైన గ‌డ్డంతో ర‌ఫ్ఫుగా క‌నిపించే గెట‌ప్పులో కాలేజీ విద్యార్థిగా కొంటె వేషాల‌తో ఆక‌ట్టుకునే సీన్ల‌లో జీవిస్తున్నాడుట‌.

నిజ‌మే మొన్న‌టి పుట్టిన‌రోజు సంద‌ర్భంగా చై ఓ మాట అన్నాడు. వ‌చ్చే ఏడాదిలో (2016లో) నేనేంటో చూపిస్తా. నాపై ఉన్న అన్ని విమ‌ర్శ‌ల్ని చెరిపేస్తాను. నా స‌త్తా ఏంటో చాటుకుంటా అంటూ ప‌ట్టుద‌ల‌ చూపించాడు. మాట‌ల్లో బోలెడంత క‌సి. ఇప్పుడు దానిని చేత‌ల్లో చూపిస్తున్నాడ‌న్న‌మాట‌! ఆల్ ది బెస్ట్ చై.