చైతు ప్రేమకి.. చై సాహసమే అడ్డు

అక్కినేని నాగ చైతన్య సినిమా వచ్చి చాలా కాలమే అయింది. లాస్టియర్ సమ్మర్ లో దోచెయ్ అన్నాడు కానీ ఎవరూ జనాల మనసు దోచుకోలేకపోయాడు. ఆ తర్వాత గౌతమ్ మీనన్ తో చేసిన సినిమా రకరకాల కారణాలతో డిలే అవుతుండడంతో.. ప్రేమమ్ రీమేక్ ని స్టార్ట్ చేసి ఇప్పుడు ఫినిషింగ్ కు తెచ్చేశాడు.

ఈ ప్రేమమ్ ను సెప్టెంబర్ 9న రిలీజ్ చేయబోతున్నట్లు నిర్మాతల నుంచి ఓ న్యూస్ ఉంది. థియేటర్ల బుకింగ్ లు, అగ్రిమెంట్లు కూడా మొదలెట్టేశారని టాక్. ఇలాంటి టైమ్ లో.. గౌతమ్ మీనన్ ఓ బాంబ్ పేల్చాడు. 'సాహసం శ్వాసగా రిలీజ్ కి సరిగ్గా ఇవాల్టికి ఇంకా నెల రోజుల టైమ్ ఉంది. 9 ఎంత మంచి డేట్' అన్నాడీ డైరెక్టర్. అంటే వచ్చేనెల 9కి సాహసం రిలీజ్ కాబోతోందన్న మాట.

చైతు చాలా రోజులుగా ప్రేమమ్ పైనే కాన్సంట్రేట్ చేశాడు. దాదాపుగా ఏడాదిగా డిలే అవుతున్న సాహసం శ్వాసగా సాగిపోను అంతగా పట్టించుకోలేదు. కానీ ఇది రెండు భాషల్లో రిలీజ్ అయ్యే సినిమా కావడంతో.. రిలీజ్ డేట్ విషయంలో వెనక్కు తీసుకోవడం కష్టం. మరోవైపు ప్రేమమ్ యూనిట్ సెప్టెంబర్ 9 విషయంలో గట్టి పట్టుదలతో ఉంది. ఇలాంటి టైమ్ లో హీరో ఇన్వాల్వ్ మెంట్ ఉంటే తప్ప.. తనతో తనే పోటీ పడక తప్పని పరిస్థితి. మరి చైతూ ఏం చేస్తాడో?