పెళ్లి తర్వాత పేరు మార్చావా చైతూ

సాధారణంగా హీరోలు పేరు మార్చుకోవడం అనే ట్రెండ్ కనిపించదు. అసలు పేరు వేరే అయినా ఇండస్ట్రీలోకి ఓ పేరుతో ఎంటర్ అయిన తర్వాతే.. అదే కంటిన్యూ చేస్తారు. ఇక వారసుల గురించి అయితే.. అందరికీ ముందుగానే తెలిసి ఉంటుంది కాబట్టి.. అసలు పేరు గురించిన ప్రశ్నే ఎదురు కాదు.

ఇప్పుడు అక్కినేని వారసుడు నాగ చైతన్య విషయంలో ఓ విచిత్రం చోటు చేసుకుంటున్నట్లుగా అనిపిస్తోంది. ఇప్పటివరకూ ఈ హీరో పేరు ఎక్కడ చూసినా.. అక్కినేని నాగచైతన్య అని కానీ.. నాగచైతన్య అని కానీ కనిపించింది. కానీ ఇప్పుడు చైతు బర్త్ డే సందర్భంగా.. ఈ హీరో లేటెస్ట్ మూవీ సవ్యసాచి ఫస్ట్ లుక్ విడుదల చేశారు. ఇందులో చైతన్య అక్కినేని అంటూ పేరును మెన్షన్ చేయడం గమనించవచ్చు. ఇది కాకతాళీయంగా జరిగిందని అనుకునేందుకు వీలు లేదు. ఫస్ట్ లుక్ విషయంలో చాలానే జాగ్రత్తలు తీసుకున్నాకే విడుదల చేస్తారనే సంగతి తెలిసిందే.

గత నెలలో పెళ్లి చేసుకుని.. ఈ నెలలో విడుదల చేసిన ఫస్ట్ లుక్ పోస్టర్ లో పేరు మార్చుకోవడం ఆశ్చర్యకరం. అయితే.. ఈ నేమ్ ఛేంజ్ కి పెళ్లికి లింక్ ఉండకపోవచ్చు. ఇదేమైనా కొత్త సెంటిమెంటా.. లేక న్యూమరాలజీ ప్రకారం ఇలా సెట్ చేసుకున్నారా అనుకుంటున్నారు అభిమానులు.