సాహసానికి కష్టాలు కంటిన్యూ

గౌతమ్ మీనన్ దర్శకత్వం అక్కినేని నాగచైతన్య నటించిన సాహసం శ్వాసగా సాగిపో చిత్రానికి ఇంకా కష్టాలు కొనసాగుతూనే ఉన్నాయి. నిజానికి ఈ చిత్రం ఈపాటికే రిలీజ్ కావాల్సి ఉండగా.. ప్రొడక్షన్ సమస్యలు కొనసాగాయి. ఆ తర్వాత శింబు కూడా ఈ సినిమా షూటింగ్ ఆగిపోవడానికి కారణమయ్యాడు. సాహసం శ్వాసగా సాగిపో ద్విభాషా చిత్రంగా రూపొందుతుండగా తెలుగు వెర్షన్ లో హీరోగా నాగ చైతన్య నటిస్తున్నాడు.

ఈ మూవీ తమిళ వెర్షన్ లో శింబు యాక్ట్ చేస్తున్నాడు. కానీ బీప్ సాంగ్ వివాదం తర్వాత శింబు పూర్తిగా ఇరుక్కుపోయాడు. సినిమాలు చేసే పరిస్థితిలో కనిపించడం లేదు. దీంతో మూడొంతులు షూటింగ్ పూర్తయిన ఈ సినిమా ఇప్పుడు ఇబ్బందులు ఎదుర్కోవాల్సి వస్తోంది. ఇదే సమయంలో మలయాళ మూవీ ప్రేమమ్ రీమేక్ అయిన తెలుగు ప్రేమమ్ లో నటిస్తున్నాడు. ఇప్పటికే ఈ మూవీ సగానికి పైగా షూటింగ్ పూర్తి కాగా.. మే నెల నాటికి పూర్తిగా కంప్లీట్ కానుంది. ఒకవేళ ఆ సమయానికి కూడా గౌతమ్ మీనన్ చిత్రం కంప్లీట్ కాకపోతే.. దానికంటే ముందు ఇదే విడుదల కానుంది.

అయితే.. సాహసం శ్వాసగా సాగిపో లేట్ అవుతున్నా చైతూ ఏ మాత్రం టెన్షన్ పడ్డం లేదట. గౌతమ్ మీనన్ సినిమాలు ప్రతీసారి ఏదో ఒక ఇబ్బందుల్లో ఇరుక్కన్నా.. చివరకు రిజల్ట్ మాత్రం చాలా బాగా ఉంటుందని నమ్మతున్నాడు నాగ చైతన్య. తన కెరీర్ లో ఇదో బెస్ట్ మూవీగా నిలుస్తుందన్నది చైతూ ఫీలింగ్.