చైతు నయా ప్లాన్.. చూద్దాం

అక్కినేని వారసుడు నాగ చైతన్య ఎప్పుడు లేని విధంగా వరుస హిట్స్ తో దూసుకుపోతున్నాడు. ఓ వైపు తండ్రి సలహాలు తీసుకుంటూనే తనదైన శైలిలో విజయాలను అందుకుంటున్నాడు. ప్రేమమ్ - రారండోయ్ వేడుక చూద్దాం వంటి హిట్స్ అందుకొని ఈ సారి మరో హిట్ ను అందుకొవాలని బాక్స్ ఆఫీస్ తో యుద్దానికి రెడీ అయ్యాడు.

తమిళనాడుకు చెందిన కృష్ణ మరిముత్తు అనే స్నేహితుడిని దర్శకుడిగా పరిచయం చేస్తూ నటించిన "యుద్ధం శరణం" సినిమాను చైతు సెప్టెంబర్ 8న ప్రేక్షకుల ముందుకు తీసుకురానున్నాడు. ఇంతకుముందు తీసిన చిత్రాలకు బిన్నంగా యాక్షన్-థ్రిల్లర్ నేపథ్యంలో తెరకెక్కబోతున్న ఈ చిత్రంతో ఎలాగైనా హిట్ కొట్టాలని ప్రమోషన్స్ ఓ రేంజ్ లో చెయ్యాలని నిర్ణయించుకున్నాడట. అందుకే రిలీజ్ కు ముందే ఆంద్రప్రదేశ్- తెలంగాణ లోని మెయిన్ సెంటర్స్ లో చిత్ర యూనిట్ తో కలిసి ప్రమోషన్స్ ని భారీ స్థాయిలో చేసేందుకు సన్నద్ధమవుతున్నాడట. అందుకోసం చిత్ర నిర్మాత సాయికొర్రపాటి కూడా ఏర్పాట్లు చేస్తున్నారని తెలుస్తోంది. ఇప్పటికే ట్రైలర్ తో మంచి ఆసక్తిని రేపిన ఈ సినిమా రీసెంట్ గా విడుదలైన ఆడియో కూడా ఆకట్టుకుంటోంది.

మరి చైతు ప్రచారం ఈ సినిమాకు ఎంతవరకు ఉపయోగపడుతుందో చూడాలి. ఇక చైతు సరసన లావణ్య త్రిపాఠి హీరోయిన్ గా నటిస్తుండగా.. శ్రీకాంత్ చాలా రోజుల తర్వాత విలన్ గా కనిపించనున్నాడు. మనోడు కూడా సినిమాకు పెద్ద ప్లస్సే. అందుకే శ్రీకాంత్ కూడా వీరితో కలసి ప్రమోషన్లలో పాల్గొంటాడట. చూద్దాం ఈ నయా ప్లాన్ తో బాక్సాఫీస్ ను ఎలా షేక్ చేస్తారో!!