బాక్స్ ఆఫీస్ యుద్ధంలో గెలుస్తాడా?

ప్రేమమ్ - రారండోయ్ వేడుక చూద్దాం సినిమాలతో కెరీర్ లో మంచి హిట్స్ అందుకున్న నాగ చైతన్య ఇంకా బాక్స్ ఆఫీస్ స్థాయిలో సినిమాను తియ్యలేకపోతున్నాడు. మొదటి సినిమా భారీ డిజాస్టర్ ని ఇవ్వడంతో ఆ తర్వాత లవ్ స్టోరీస్ ని నమ్ముకొని మీడియం హిట్స్ ని అందుకుంటున్నాడు. కానీ ఎంత గ్రాండ్ గా రిలీజ్ చేసినా కనీసం 30 కోట్ల బాక్స్ ఆఫీస్ కలెక్షన్స్ ని అందుకోలేకపోతున్నాడనే చెప్పాలి.

అయితే ఈ సారి ఎలాగైనా ఆ మార్క్ ని దాటి వీలైతే నలభై కూడా దటలని ఒక యాక్షన్ కంటెంట్ ఉన్న సినిమాతో రాబోతున్నాడు. అన్ని వర్గాల ప్రేక్షకులను అలరించేందుకు యాక్షన్ తో పాటు ఫ్యామిలి ఆడియెన్స్ ని ఆకట్టుకునే సీన్స్ తో ఉన్న "యుద్ధం శరణం" అనే సినిమాతో రాబోతున్నాడు. ఒకప్పుడు చైతులాంటి మార్కెట్ ఉన్న హీరోలు ఇప్పుడు 50 కోట్ల కలెక్షన్స్ ని రాబట్టగలుగుతున్నారు. నానా -శర్వానంద్ లాంటి మినీ మార్కెట్ హీరోలు ఇప్పుడు 40 మార్క్ ని ఈజీగా దాటేస్తున్నారు. మరి యుద్ధం శరణం సినిమాతో చైతు ఎంతవరకు హిట్ అందుకుంటాడో చూడాలి.

ఇప్పటికే సాయి కొర్రపాటి ఈ సినిమా రిలీజ్ ను గ్రాండ్ గా ప్లాన్ చేయగా.. తమిళ దర్శకుడు కృష్ణ మరిముత్తు ఇప్పుడు ఈ సినిమా కంటెంట్ పై విపరీతంగా నమ్మకం వ్యక్తం చేస్తున్నాడు. పైగా బాహుబలి కనక్ట్ తో వచ్చిన మజ్నూ సినిమా హిట్టవ్వడంతో.. ఈ సినిమా కూడా హిట్టవుతుందనే ఆశాభావం వ్యక్తం చేస్తున్నారు టీమ్. లెటజ్ సీ.