అల్లుడు తర్వాతే U టర్న్ అంటున్న చైతు!

గ్లాస్ లో సగం నీళ్లు ఉన్నాయి' దీన్ని ఎలా చూస్తారు? .. పాజిటివ్ అవుట్ లుక్ - నెగెటివ్ అవుట్ లుక్ ఉదాహరణ ఇప్పటికి ఒక మనం ఎన్నిసార్లు విన్నామో మనకే తెలీదు. మరి 'శైలజా రెడ్డి అల్లుడు'.. 'U టర్న్' సినిమా ల బాక్స్ ఆఫీస్ ఫైట్ కూడా అలాంటిదే. రెండు రకాలుగా చూడొచ్చు. చై - సామ్ ల పోటీగా చూడొచ్చు. లేదా టాలీవుడ్ క్యూట్ కపుల్ విడివిడిగా కలివిడిగా ఒకేరోజు తమ సినిమాలతో తెలుగు ప్రేక్షకులను అలరించడానికి వస్తోందని మురిసిపోవచ్చు!

సోది చెప్పడానికేం.. ఎలా అయినా చెప్పొచ్చు. కానీ అక్కినేని వీరాభిమానుల పరిస్థితిని ఎవరు అర్థం చేసుకుంటారు? వాళ్ళు ముందు చైతు & చైతు అత్తగారి సినిమా చూడాలా..లేదా సామ్ క్రైమ్ కు వోటెయ్యాలా? దీనికి మీరు బుర్రబద్దలు కొట్టుకోకుండా.. పార్షియాలిటీ తో ఒక సైడ్ తీసుకోకుండా ఉండేలా చైతునే సమాధానం చెప్పాడు. 'శైలజారెడ్డి అల్లుడు' ను ఫస్ట్ చూడాలట. ఎందుకంటే ఇది ఫుల్ ఎంటర్టైన్మెంట్ తో ఉన్న సినిమా అని.. సినిమాలో లాస్ట్ 40 నిముషాలను ఫుల్ గా ఎంజాయ్ చేస్తారని.. ప్రేక్షకులు సంతృప్తిగా సినిమా హాలు బయటకు వెళ్తారని చెప్పాడు. మరో రీజన్ ఏంటంటే సామ్ ఈ ఏడాది 'రంగస్థలం'.. 'మహానటి' సినిమాలతో రెండు బ్లాక్ బస్టర్స్ ఆల్రెడీ సాధించింది కాబట్టి ఇప్పుడు తనకే ఫస్ట్ ఛాన్సు ఇవ్వాలని అన్నాడు.

చైతు భయ్యా ఇక ఇంతా క్లారిటీ ఇచ్చిన తర్వాత అక్కినేని ఫ్యాన్స్ కు ఇంకా కన్ఫ్యూషన్ ఏం ఉంటుంది? ఏదేమైనా మనం మాత్రం రెండూ సినిమాలు సూపర్ హిట్ అవ్వాలని భార్యాభర్తలు కలిసి జెన్యూన్ సక్సెస్ మీట్ ను కలిసి చేసుకోవాలని కోరుకుందాం.