నిన్ను రోడ్డు మీద చూసినానే లగాయిత్తూ

ఒకప్పుడు ఈ పాట వింటేనే యూత్ అంతా ఒంటి కాలు మీద లేచి చిందేసేవారు. అంత పాపులర్ ఆ పాట. అప్పట్లో నాగార్జున ఆ పాటతో కుర్రాళ్ళ గుండెల్లో రైలును పరిగెత్తించారు. అంటి మాస్ సాంగును ఇప్పుడు మరోసారి తెరమీద చూపిస్తాను అంటున్నాడు ఆయన తనయుడు నాగ చైతన్య. పదండి ఈ పాట రీమక్సు కహానీ ఏంటో చూద్దాం.

ప్రస్తుతం 'సవ్యసాచి' అనే సినిమాతో చైతన్య బిజీగా ఉన్న సంగతి తెలిసిందే. ఈ సినిమాను చిన్నప్పటి నుండి నాగార్జున ఫ్యాన్.. మరియు చైతన్యతో 'ప్రేమమ్' వంటి బ్లాక్ బస్టర్ సినిమాను తీసిన చందూ మొండేటి తీస్తున్నాడు. అందుకే ఈ సినిమాలో నాగ్ సాంగ్ ఏదన్నా రీమిక్స్ చేద్దాం అనే ఐడియా చెప్పాడట. అంతేకాకుండా 1993లో వచ్చి హిట్ ఫిలిం 'అల్లరి అల్లుడు'లో నాగ్ చేసిన 'నిన్ను రోడ్డు మీద చూసినానే లగాయిత్తూ' పాటను రీమిక్స్ చేయాలని ఫిక్సయ్యారట. ఇప్పుడు ఈ పాట కోసం ఒక పెద్ద హీరోయిన్ను కూడా తెస్తున్నారండోయ్. ఈ పాటలో ఇప్పటికే చైతన్యతో హీరోయిన్లుగా చేసిన కాజల్ ను కాని.. రకుల్ ప్రీత్ ను కాని చేయించాలని చూస్తున్నారట. ఈ సినిమాలో హీరోయిన్ గా మాత్రం కొత్తమ్మాయ్ నిధి అగర్వాల్ కనిపిస్తున్న సంగతి తెలిసిందే.

ఇక ఈ పాట విషయానికొస్తే.. నిజానికే 'నిన్ను రోడ్డు మీద చూసినానే లగాయిత్తూ' పాట కూడా ఒక రీమిక్స్ పాటే. 1969లో హిందీలో వచ్చిన 'ఆరాధన' సినిమాలోని ఐకానిక్ సాంగ్ 'మేరే సప్నోంకి రాణి కబ్ ఆయేగి తూ' తెలుగు వర్షన్ మన రోడ్డు మీద చూసిన లగాయిత్తు సాంగ్. అప్పట్లో ఎసి.డి.బర్మన్ కంపోజ్ చేసిన ఆ పాట మరియు ఆ పాటకు కిషోర్ కుమార్ గాత్రం చాలా పెద్ద ప్లస్సే. వెరసి రాజేశ్‌ ఖన్నా మరియు షర్మిలా ఠాగూర్ మీద తీసిన ఆ పాటే కాదు సినిమాకు బ్లాక్ బస్టర్ హిట్!!