చైతూ మ్యూజిక్ తో మ్యాజిక్ చేయాల్సిందే

అక్కినేని నాగ చైతన్య సినిమా రిలీజ్ అయ్యి ఏడాదికి పైగానే అయింది. గతేడాది ఏప్రిల్ దోచెయ్ తర్వాత మళ్లీ చైతు సినిమా ఏదీ రిలీజ్ అవలేదు. ఒకేసారి రెండు క్రేజీ ప్రాజెక్టులను హ్యాండిల్ చేస్తూ.. వరుసగా వాటిని థియేటర్లలోకి తెచ్చేసి ఆ లోటు తీర్చేందుకు చైతు రెడీ అవుతున్నాడు. గతేడాది చివరకే విడుదల కావాల్సిన సాహసం శ్వాసగా సాగిపో చిత్రం.. ఎట్టకేలకు రిలీజ్ కి రెడీ అయింది.

జూలై 15న సాహసం శ్వాసగా సాగిపోను విడుదల చేసేందుకు నిర్మాతలు సిద్ధం కాగా.. గౌతమ్ మీనన్ డైరెక్షన్ రూపొందిన ఈ చిత్రంపై అంచనాలు చాలానే ఉన్నాయి. ఏ ఆర్ రెహమాన్ ఈ మూవీకి మ్యూజిక్ అందించగా.. ఇప్పటికే విడుదలైన సాంగ్ ప్రోమోలు - టీజర్లకు మంచి రెస్పాన్స్ వచ్చింది. రేపు అంటే జూన్ 17న హైద్రాబాద్ ఈ చిత్రం ఆడియో రిలీజ్ ఫంక్షన్ ను గ్రాండ్ లెవెల్ లో సెలబ్రేట్ చేయనున్నారు.

చైతు-గౌతమ్ మీనన్-రెహమాన్ కాంబినేషన్ కావడంతో ఆడియో పై కూడా ఎక్స్ పెక్టేషన్స్ చాలానే ఉన్నాయి. గతంలో వీరి కాంబినేషన్ లో వచ్చిన ఏం మాయ చేశావే సంచలనాలు సృష్టించడంతో.. ఈసారి మ్యూజిక్ తో ఎన్నెన్ని మ్యాజిక్స్ చేస్తారో అనే ఆసక్తి నెలకొంది. సాహసం శ్వాసగా సాగిపో చిత్రంలో మలయాళీ బ్యూటీ మంజిమా మోహన్ హీరోయిన్ గా నటించింది.