సాహసం.. విడుదల ఖాయం చేసిన చైతు

అక్కినేని నాగచైతన్య ఇప్పుడు చాలా హ్యాపీగా ఉన్నాడు. ప్రేమమ్ మూవీతో సూపర్ హిట్ కొట్టేసిన చైతు.. ఆ హిట్టు కంటే ముందు నుంచి వచ్చిన విమర్శలకు సమాధానం చెప్పగలగడమే ఆ సంతోషానికి అసలు కారణం. అదే జోష్ తో ఇప్పుడు తర్వాతి ప్రాజెక్టును కూడా విడుదల చేసేస్తున్నాడు చైతు.

గౌతమ్ మీనన్ దర్శకత్వంలో రూపొందిన సాహసం శ్వాసగా సాగిపో చిత్రాన్ని నవంబర్ 11న విడుదల చేస్తున్నట్లు నిర్మాతలు అధికారికంగా ప్రకటించేశారు. మరో రెండు వారాల్లో ఈ సాహసం థియేటర్లలో సందడి చేయనుంది. అంటే ఐదు వారాల్లోనే రెండో సినిమా విడుదల చేసేస్తున్నాడు చైతు. నిజానికి ఈ చిత్రం ఎప్పుడో విడుదల కావాల్సి ఉంది. తమిళ్ వెర్షన్ లో నటిస్తున్న శింబు వివాదంలో ఇరుక్కోవడం.. ఆ తర్వాత షూటింగ్ కి సహకరించకపోవడం లాంటి రకరకాల కారణాలతో.. అసలు రిలీజ్ విషయమే డౌట్ లో పడిపోయింది.

ఎట్టకేలకు అన్ని అడ్డంకులను దాటుకుని నవంబర్ 11న సాహసం శ్వాసగా సాగిపో థియేటర్లలోకి వచ్చేస్తోంది. దిగ్గజ సంగీత దర్శకుడు ఆస్కార్ విన్నర్ ఏఆర్ రెహమాన్ మ్యూజిక్ అందించగా.. నాలుగు నెలల క్రితమే రిలీజ్ అయిన పాటలు ఆడియన్స్ ను ఆకట్టుకోగా.. మలయాళ కుట్టి మంజిమా మోహన్ ఈ మూవీతో టాలీవుడ్ కి పరిచయం అవుతోంది.

Like Us on Facebook : https://www.facebook.com/Tupakidotcom/