చై-సామ్ బ్యాచ్ ఛలో స్పెయిన్!

టాలీవుడ్ క్యూట్ కపుల్స్ లో ఒకరైన చై-సామ్ జంట ఎంతగా గ్యాప్ లేకుండా పని చేస్తారో.. సమయం దొరికితే విదేశాల్లో అంత సమయం సరదాగా గడిపేందుకు రెడీ అవుతారు. షూటింగుల మధ్య బ్రేక్ దొరికితే చాలు ఏదో ఒక హాలిడే డెస్టినేషన్ కు తుర్రుమని ప్రేమపక్షుల్లా పారిపోతారు. అయితే ఈసారి చై సామ్ లు మాత్రమే కాకుండా ఫ్రెండ్స్ గ్యాంగ్ కూడా హాలిడే ట్రిప్ లో జాయిన్ అయ్యారు.

ఈ ట్రిప్ లో అఖిల్ కూడా జాయిన్ కావడం విశేషం. వీరితో పాటుగా మేఘనాథ్ కంటిపూడి.. శృతి రెడ్డి కూడా ఉన్నారు. అందరూ కలిసి స్పెయిన్ కు వెళ్ళారు. ఎమిరేట్ ఫ్లైట్ లో ప్రయాణం చేస్తూఈ ఫ్రెండ్స్ గ్యాంగ్ అంతా ఫుల్ చిల్ అవుట్ అవుతూ ఉన్న ఫోటోలను సమంతా తన ఇన్స్టా ఖాతా ద్వారా షేర్ చేసింది. స్పెయిన్ లోని ఇబిజాలో ల్యాండ్ అయినట్టుగా కూడా సమంతా వెల్లడించింది. ఈ ట్రిప్ కు సంబంధించిన ఫోటోలను సమంతా షేర్ చేయడం ఆలస్యం.. సోషల్ మీడియాలో వైరల్ అయ్యాయి.

ఈ ట్రిప్ ఈ సమయంలో ఎందుకు అనేది సమంతా వెల్లడించలేదు కానీ నాగార్జున 60 ఇయర్స్ సెలబ్రేషన్స్ ను స్పెయిన్ లో ప్లాన్ చేశారని.. ఆ వేడుకల్లో పాల్గొనేందుకే అక్కినేని గ్యాంగ్ తమ ఫ్రెండ్స్ తో రెండు రోజులు ముందుగా బయలుదేరారనే టాక్ వినిపిస్తోంది. ఒకవేళ అదే నిజమైతే రెండు రోజుల్లో అప్డేట్ వచ్చే అవకాశం ఉంది. అయితే మనమందరం అప్పటివరకూ ఓపిక పట్టాలి.