రిలీజ్ ప్లానింగ్‌ లో 'స‌వ్య‌సాచి'

నాగ‌చైత‌న్య వ‌రుస‌గా రెండు చిత్రాల‌తో సంద‌డి చేయ‌బోతున్నాడు. ఒక‌టి `శైల‌జారెడ్డి అల్లుడు` అయితే... మ‌రొక‌టి `స‌వ్య‌సాచి`. శైల‌జారెడ్డి అల్లుడు రిలీజ్ డేట్ ఫిక్స్ అయిపోయింది. ఈ నెల 31 నుంచి అల్లుడిగా చైతూ సంద‌డి చేయ‌బోతున్నాడు. ఆ సినిమా ప‌నుల్ని ఇప్ప‌టికే పూర్తి చేసేసుకొని బ‌య‌టికొచ్చిన ఆయ‌న‌, ఇప్పుడు `స‌వ్య‌సాచి`పై దృష్టిపెట్టాడు. చాలా రోజులుగా సెట్స్‌ పైనే ఉందీ చిత్రం. విజువ‌ల్ ఎఫెక్ట్స్‌తో ముడిప‌డిన సినిమా కాబ‌ట్టి ప‌నులు తొంద‌ర‌గా తెమిలే పరిస్థితి క‌నిపించక‌పోవ‌డంతో మొద‌ట `శైల‌జారెడ్డి అల్లుడు`ని పూర్తి చేశాడు. ఇక త్వ‌ర‌లోనే `స‌వ్య‌సాచి` షూటింగ్‌ లో పాల్గొన‌బోతున్నాడు.

తాజాగా చిత్ర‌బృందం రిలీజ్ ప్లానింగ్‌ పై కూడా దృష్టిపెట్టిన‌ట్టు తెలుస్తోంది. న‌వంబ‌రు 2న చిత్రాన్ని విడుద‌ల చేయాల‌ని నిర్ణ‌యించిన‌ట్టు స‌మాచారం. అయితే సెప్టెంబ‌రు చివ‌రికే సినిమా ప‌నుల‌న్నీ పూర్త‌యిపోతాయి కాబ‌ట్టి `అర‌వింద స‌మేత` అక్టోబ‌రు 11న రాక‌పోతే ఆ రోజే `స‌వ్య‌సాచి`ని విడుద‌ల చేయాల‌ని కూడా ఆలోచిస్తున్న‌ట్టు స‌మాచారం. మొత్తంగా `స‌వ్య‌సాచి`ని అక్టోబ‌రులో కానీ - న‌వంబ‌రులో కానీ చూడ‌టమ‌నేది ప‌క్కా. ఈ సినిమా విజువ‌ల్ ఎఫెక్ట్స్ ప‌నులు మ‌కుట సంస్థ ఆధ్వ‌ర్యంలో జ‌రుగుతున్నాయి. బాహుబ‌లికి ఎఫెక్ట్స్ ఇచ్చిన సంస్థ ఇది. చందు మొండేటి ద‌ర్శ‌కుడిగా మైత్రీ మూవీ మేక‌ర్స్ నిర్మిస్తున్న ఈ చిత్రంలో నాగచైత‌న్య యాక్ష‌న్ అవ‌తారమే హైలెట్ కానుంద‌ని స‌మాచారం. ఇందులో చైతూ స‌ర‌స‌న నిధి అగర్వాల్ న‌టించింది.