అమెరికాకి షిఫ్ట్ అవుతోన్న చైతు?

గత ఏడాది రారండోయ్ వేడుక చూద్దాం సినిమాతో మంచి విజయంతో 2017ని స్టార్ట్ చేసిన అక్కినేని నాగ చైతన్య అదే ఇయర్ లో ఉహించని విధంగా యుద్ధం శరణం సినిమాతో భారీ డిజాస్టర్ ని అందుకున్నాడు. అయితే మళ్లీ ఈయర్ ని అలా ఎండ్ చేయకూడదు అనుకోని చక్కగా ప్లాన్స్ వేసుకుంటున్నాడు. కెరీర్ లో మొదటిసారిగా ఈ యువ హీరో ఒక డిఫెరెంట్ రోల్ లో కనిపించడానికి సిద్ధమవుతున్నాడు. సవ్యసాచి అనే సినిమాలో చైతు సూపర్ పవర్స్ ఉన్న హీరోగా కనిపించబోతున్నాడు.

తనకు ప్రేమమ్ సినిమాతో మంచి హిట్ ఇచ్చిన చందు మొండేటి ఆ సినిమాకి దర్శకత్వం వహిస్తోన్న సంగతి తెలిసిందే. ఇక అసలు మ్యాటర్ లోకి వస్తే గత కొన్ని రోజుల క్రితం కొన్ని సీన్స్ ను పూర్తి చేసిన చిత్ర యూనిట్ నెక్స్ట్ షెడ్యూల్ ని అమెరికాకు షిఫ్ట్ చేయనున్నారు. మార్చ్ లో ఆ షెడ్యూల్ స్టార్ట్ అవ్వనుంది. అక్కడే కొన్ని వారాల పాటు ముఖ్యమైన సన్నివేశాలను చిత్రీకరించనున్నారు. పూర్తిగా యాక్షన్ ఎంటర్టైనర్ గా తెరకెక్కనున్న ఈ సినిమాను ప్రముఖ నిర్మాణ సంస్థ మైత్రీ మూవీ మేకర్స్ భారీ బడ్జెట్ తో నిర్మిస్త్తోంది. సవ్యసాచి చైతు కెరీర్ లోనే బిగ్గెస్ట్ బడ్జెట్ చిత్రం.

ఇక హీరోయిన్ గా నిధి అగర్వాల్ విలన్ గా ఆర్.మాధవన్ కనిపించబోతున్నారు. ప్రస్తుతం నాగ చైతన్య కామెడీ దర్శకుడు మారుతి తెరకెక్కిస్తోన్న ప్రాజెక్ట్ లో నటిస్తున్నాడు. రమ్యకృష్ణ చైతూకి అత్తగా కనిపించబోతోన్న సంగతి తెలిసిందే. ఆ సినిమాకు శైలజా రెడ్డి అల్లుడు అనే టైటిల్ ని కూడా అనుకుంటున్నట్లు గత కొంత కాలంగా వార్తలు వస్తున్నాయి కానీ ఇంకా ఫైనల్ చేయలేదు.