చ‌ర‌ణ్ సినిమాలోకి చొచ్చుకుపోనున్న చైతూ

నాగ‌చైత‌న్య కెరియ‌ర్‌లోనే భారీ అంచ‌నాల‌తో తెర‌కెక్కుతున్న చిత్రం ‘స‌వ్య‌సాచి’. ‘కార్తీకేయ‌’ ఫేం చందూమొండేటి ద‌ర్శ‌క‌త్వంలో వ‌స్తున్న ఈ విభిన్న క‌థా చిత్రంపై ఇప్ప‌టికే ఇండ‌స్ట్రీలో కొన్ని అంచ‌నాలు నెల‌కొన్నాయి. ఈ మ‌ధ్య విడుద‌ల చేసిన ఫ‌స్ట్‌లుక్ పోస్ట‌ర్, ఆ అంచ‌నాల‌ను మ‌రింత పెంచేశాయి. శ‌ర‌వేగంగా షూటింగ్ జ‌రుపుకుంటున్న జూన్ 14న విడుద‌ల కాబోతోంది.

ఫైన‌ల్ షెడ్యూల్ కోసం ఏప్రిల్ 12న అమెరికాకు బ‌య‌లుదేరి వెళ్ల‌నుంది స‌వ్య‌సాచి చిత్ర‌బృందం. ఈ చిత్ర టీజ‌ర్‌ను వ‌చ్చే వారం విడుద‌ల చేయాల‌ని నిర్మాత‌లు భావిస్తున్నారు. మార్చి 27న యూట్యూబ్‌లో ఈ చిత్ర టీజ‌ర్ విడుద‌ల కానుంది. అలాగే మార్చి 30న విడుద‌ల‌వుతున్న రామ్‌చ‌ర‌ణ్ ‘రంగ‌స్థ‌లం’ మూవీతో పాటు స‌వ్య‌సాచి టీజ‌ర్‌ను అటాచ్ చేయ‌నున్నారు. సౌండ్ ఇంజ‌నీర్ చిట్టిబాబు సినిమా మ‌ధ్య‌లో త‌న ఆధీనంలోని ఎడ‌మ‌చేతితో నాగ‌చైత‌న్య ప‌డే కష్టాల‌ను, స‌వ్య‌సాచి చేష్ట‌లు చూడ‌బోతున్నాం అన‌మాట‌. ఈ విధంగా చ‌ర‌ణ్ సినిమాపై ఉన్న క్రేజ్‌తో చైత‌న్య సినిమా కూడా క్రేజ్ మ‌రింత పెంచాల‌ని ప్లానింగ్‌లో ఉన్నారు చిత్ర‌ నిర్మాత‌లు.

మైత్రీ మూవీస్ ప‌తాకంపై రూపొందుతున్న ఈ చిత్రంలో త‌మిళ హీరో మాధ‌వ‌న్ ఓ కీల‌క పాత్ర‌లో న‌టిస్తుండ‌గా, సీనియ‌ర్ హీరోయిన్ భూమిక నాగ‌చైత‌న్య అక్క‌గా న‌టిస్తోంది. బాలీవుడ్ హీరోయిన్ క‌మ్ మోడ‌ల్ నిధి అగ‌ర్వాల్‌, ఈ సినిమాలో చైతూ స‌ర‌స‌న హీరోయిన్‌గా న‌టిస్తోంది.