ఈ జోడీ అస్సలు కరెక్ట్‌ కాదు

మలయాళి ముద్దుగుమ్మ నిత్యామీనన్‌ మంచి ప్రతిభ ఉన్న నటి అని చెప్పుకోవడంలో ఎలాంటి అతిశయోక్తి లేదు. కాని ఆమె కమర్షియల్‌ సినిమాలకు పనికి రాదని పదే పదే నిరూపితం అయ్యింది. మెయిన్‌ హీరోయిన్‌ గా నిత్యామీనన్‌ ను ఏ స్టార్‌ హీరో కూడా సిఫార్సు చేయడం లేదు. సినిమాల్లో కీలక పాత్రకు లేదా సెకండ్‌ హీరోయిన్‌ పాత్రలకు మాత్రమే ఆమె సెట్‌ అవుతుందనే అభిప్రాయం వ్యక్తం అవుతుంది. ఇలాంటి సమయంలో నాగచైతన్యకు జోడీగా నిత్యామీనన్‌ నటించబోతుందన్న వార్త అక్కినేని ఫ్యాన్స్‌ అవాక్కయ్యేలా చేస్తోంది.

ప్రస్తుతం సమంతతో కలిసి చైతూ ‘మజిలి’ చిత్రాన్ని చేస్తున్న విషయం తెల్సిందే. ఆ చిత్రంతో పాటు మామ వెంకీతో ‘వెంకీ మామ’ అనే చిత్రాన్ని చేయబోతున్నాడు. ఈ రెండు చిత్రాలు కాకుండా మేర్లపాక గాంధీ దర్శకత్వంలో ఒక చిత్రాన్ని చేసేందుకు కమిట్‌ మెంట్‌ ఇచ్చాడు. మైత్రి మూవీస్‌ వారు ఆ చిత్రాన్ని నిర్మించబోతున్నారు. విభిన్న చిత్రాతో ఆకట్టుకున్న మేర్లపాక గాంధీ చైతూ కోసం ఇప్పటికే కథను సిద్దం చేయడం, కథకు చైతూ ఓకే చెప్పడం జరిగి పోయిందట. ఇక ఈ చిత్రంలో హీరోయిన్‌ పాత్ర కోసం నిత్యామీనన్‌ ను మేర్లపాక గాంధీ ఎంపిక చేశాడంటూ వార్తలు వస్తున్నాయి.

తన కథకు నిత్యామీనన్‌ అయితేనే బాగుంటుందనే ఉద్దేశ్యంతో ఆమెను ఎంపిక చేయాలని దర్శకుడు భావిస్తున్నాడంటూ పుకార్లు షికార్లు చేస్తున్నాయి. పుకార్లకే అక్కినేని ఫ్యాన్స్‌ సీరియస్‌ అవుతున్నారు. చైతూకు నిత్యామీనన్‌ కు ఎలా సెట్‌ అవుతుందని దర్శకుడు వారిని జత చేయాలని చూస్తున్నాడు అంటూ ఆగ్రహం వ్యక్తం చేస్తున్నారు. నిత్యామీనన్‌ ఆలోచనను దర్శకుడు తీసేయాలని సూచిస్తున్నారు. నిత్యామీనన్‌ ఈమద్య చాలా లావు అవ్వడంతో పాటు, మరీ పొట్టిగా కనిపిస్తుంది. అందుకే ఆమె ఎట్టి పరిస్థితుల్లో చైతూకు జోడీ కాలేదని అంటున్నారు. అయితే దర్శకుడు మేర్లపాక గాంధీ మాత్రం ఇప్పటి వరకు హీరోయిన్‌ విషయమై క్లారిటీ అయితే ఇవ్వలేదు. కనుక అవి పుకార్లే అవ్వాలని ఫ్యాన్స్‌ కూడా కోరుకుంటున్నారు.