మగ్గురు భామలూ ఫిక్సయిపోయారు

మళయాళంలో మెగా సక్సెస్ సాధించిన ప్రేమమ్.. అక్కడ చిన్న సినిమాగా వచ్చినా తెలుగులో మాత్రం భారీ ప్రాజెక్టుగా మారిపోతోంది. ఇప్పటికే నాగచైతన్య ఈ మూవీకి హీరోగా ఫిక్స్ అయ్యాడు. కార్తికేయ ఫేం చందూ మొండేటి ఈ ప్రాజెక్టుకు డైరక్టర్‌. అయితే.. ప్రేమమ్ లో ముగ్గురు హీరోయిన్ల అవసరం ఉంటుంది. ఓ వ్యక్తి జీవితంలోని మూడు దశల్లో పరిచయమైన పాత్రలకు గాను.. ముగ్గురమ్మాయిలు కావాలి. ప్రస్తుతానికి ముగ్గురమ్మాయిల వేట కూడా పూర్తయిపోయింనట్లు తెలుస్తోంది.

మొదటి దశలో కేరక్టర్ కి గాను ఒరిజినల్ ప్రేమమ్ లో నటించిన అనుపమ పరమేశ్వరన్ నే ఎంచుకున్నారు. నిజానికి ఇదే కరెక్ట్ కూడా. ఎందుకంటే ఆ పాత్ర వేరేవాళ్లు సూట్ కారు అనే రేంజ్ లో నటించేసింది అనుపమ. ఇక రెండో దశ అంటే కాలేజ్ లో ఎంటర్ అయ్యే కేరక్టర్ కోసం.. ఈటీవీ డ్యాన్స్ షో ఢీ ద్వారా పాపులర్ అయిన సాయిపల్లవి ఒరిజినల్ లో నటించింది. తెలుగులో ఈ పాత్ర కోసం శృతి హాసన్ గ్రీన్ సిగ్నల్ ఇచ్చేసిందట. ఇకపోతే ఆఖరిగా హీరోను పెళ్ళి చేసుకునే పాత్ర ఒకటుంది ఇది చాల స్పెషల్ రోల్ అట ఎవరు చేస్తే బాగుంటుంది అని దర్శక నిర్మాతలు తెగ వెతుకుతున్నారు . రకుల్ ప్రీత్ సింగ్ - రాశి ఖన్నా డేట్స్ కోసం చూస్తున్నారు లేకపోతే ధనుష్ 'అనేకుడు'లో నటించిన బాలీవుడ్ భామ అమైరా దస్తూర్ నటించనుందని టాక్‌..

మొత్తానికి ఏ ముగ్గురు భామలతో రొమాన్స్ చేయాలో.. నాగచైతన్యకు తెలిసిపోయిందిపుడు. ఈ విషయాన్ని తన సన్నిహితులుకు ఇచ్చిన బర్తడే లంచ్‌ పార్టీలో బర్తడే బాయ్‌ చందూ మొండేటి స్వయంగా తెలియజేశాడట. ఈరోజు ఇతగాడి పుట్టినరోజు. సర్లేండి.. ఇకపోతే.. అఫీషియల్‌ గా ప్రకటిస్తారుగా.. అప్పుడు ఈ ముగ్గురు భామల గురించి మరోసారి డిస్కస్‌ చేద్దాం.. ఈలోపు.. చందూకి హ్యాపీ బర్తడే చెబుదాం.