మరోసారి ఒక లైలా జంట తెరపైకి రానుందా..?

టాలీవుడ్ స్టార్ హీరోయిన్ పూజాహెగ్డే.. ఈమధ్య పట్టిందల్లా అయిపోతుంది. అందుకే అమ్మడికి ఊపిరి తీసుకునే ఖాళీలేకుండా సినిమాల ఆఫర్స్ వచ్చిపడుతున్నాయి. ప్రస్తుతం పూజ తెలుగులో ప్రభాస్ సరసన రాధేశ్యామ్ మూవీతో పాటు అక్కినేని అఖిల్ సరసన మోస్ట్ ఎలిజిబుల్ బ్యాచిలర్ అనే రొమాంటిక్ కామెడీ మూవీలో నటిస్తోంది. అయితే ఇప్పటికే పూజ ఖాతాలో కొన్ని బడా ప్రాజెక్టులు ఉన్నాయి. తాజాగా మరో సరికొత్త వార్త ఇండస్ట్రీలో చక్కర్లు కొడుతోంది. అదేంటంటే.. పూజా అఖిల్ తో బ్యాచిలర్ మూవీ అయిపోయాక నాగచైతన్యతో జతకట్టనుందని వార్తలు ముమ్మరంగా స్ప్రెడ్ అవుతున్నాయి. ప్రస్తుతం నాగచైతన్య హీరోగా థాంక్యూ అనే సినిమా తెరకెక్కనున్న సంగతి తెలిసిందే.

అయితే థాంక్యూ మూవీ దర్శకనిర్మాతలు ఇందులో ఒక హీరోయిన్ గా పూజను ఓకే చేసినట్లు తెలుస్తుంది. ఇదేగనక నిజమైతే నాగచైతన్యతో పూజాకు రెండో సినిమా అవుతుంది. 2014లో వీరిద్దరూ కలిసి ఒకలైలాకోసం అనే సినిమాలో నటించారు. అయితే ప్రస్తుతం నాగచైతన్య సరసన నటిస్తుందా లేదా అనేది అధికారిక ప్రకటన రావాల్సి ఉంది. ఈ సినిమాను దిల్ రాజు నిర్మిస్తుండగా.. మనం ఫేమ్ విక్రమ్ కే.కుమార్ దర్శకత్వం వహిస్తున్నాడు. అయితే ఇందులో మరో ఇద్దరు హీరోయిన్లకు కూడా అవకాశం ఉందని వినికిడి. ఇక పూజ ప్రస్తుతం టాలీవుడ్ తో పాటు బాలీవుడ్ లో కూడా భారీ సినిమాలు చేస్తోంది. నాగచైతన్య ఇటీవల లవ్ స్టోరీ మూవీ చేసాడు. ఆ సినిమా త్వరలో విడుదల కాబోతుంది. చూడాలి మరి చైతూ-పూజ మళ్లీ జతకడతారేమో!