అమ్మతో చైతు.. ఎమోషనల్ ఫోటో

అక్కినేని వారసుడిగా.. టాలీవుడ్ హీరోగా నాగచైతన్య రేంజ్ ఏంటో ఇప్పటికే అక్కినేని వారసులకు తెలుసు. గతంలో వరుసగా ఫ్లాప్స్ వచ్చినా.. ఇప్పుడు మంచి సబ్జెక్టులతో దూసుకుపోతున్నాడు. వీటన్నిటితో పాటు.. హీరోయిన్ సమంతతో లవ్ స్టోరీ కారణంగా.. గత ఆరేడు నెలలుగా వార్తల్లో తెగ నానుతున్నాడు చైతు.

తాజాగా చైతు-సమంతల నిశ్చితార్ధం జరిగింది. ఇటు అక్కినేని కుటుంబం.. అటు సమంత ఫ్యామిలీతో పాటు.. దగ్గుబాటి కుటుంబం అంతా ఈ వేడుకకు హాజరయ్యారు. అందరిలోకి ప్రధాన ఆకర్షణ.. చైతు తల్లి లక్ష్మి. ఈమె దగ్గుబాటి వెంకటేష్ సోదరి అనే విషయం తెలిసిందే. నాగార్జున తొలి భార్య అయిన లక్ష్మి.. తర్వాత కారణాంతరాలతో విడిపోయారు. అప్పటి నుంచి మీడియా కంటికి పెద్దగా కనిపించని ఈమె.. ఇప్పుడు కొడుకు నిశ్చితార్ధ వేడుకలో కనిపించారు. తల్లీ కొడుకులు ఆప్యాయంగా ఫోటోకు ఇచ్చిన పోజ్ ఇప్పుడు అందరినీ ఆకట్టుకుంటోంది. తల్లీకొడుకుల ఫోటోలు చాలానే ఉండొచ్చు కానీ.. పబ్లిక్ గా ఇలా వీరిద్దరూ కలిసి ఫోటోకి పోజ్ ఇవ్వడం మాత్రం ఇదే తొలిసారి.

మరోవైపు.. నాగచైతన్య తన ఎంగేజ్మెంట్ సందర్భంగా తీసిన కొన్ని ఫోటోలను కలిపి ఒకే పిక్ గా షేర్ చేశాడు. చెయ్-శామ్ లు.. చైతు తల్లి లక్ష్మి.. ఆమె భర్తతో పాటు ఒక ఫోటో.. నాగ్-అమల.. అఖిల్-శ్రేయాభూపాల్ లతో కలిసి దిగిన ఫోటో.. దగ్గుబాటి ఫ్యామిలీ మొత్తంతో కలిసి ఈ జంట దిగిన ఫోటో. అలాగే సమంత పేరెంట్స్ తో కలిసి దిగిన ఫోటోలను షేర్ చేశాడు చైతు. అక్కినేని.. దగ్గుబాటి ఫ్యామిలీ మధ్య సన్నిహిత సంబంధాలు ఉన్న మాట వాస్తవమే అయినా.. అందిరినీ ఇలా ఒక వేదిక పైకి తీసుకొచ్చిన సందర్భం మాత్రం చైతు-సమంతల నిశ్చితార్ధమే.


Like Us on Facebook : https://www.facebook.com/Tupakidotcom/