నాగశౌర్యతో పూరీ జగన్నాథ్..?

డాషింగ్ డైరెక్టర్ పూరీ జగన్నాథ్ 'ఇస్మార్ట్ శంకర్' సినిమాతో సక్సెస్ ట్రాక్ లోకి వచ్చాడు. ఈ క్రమంలో ప్రస్తుతం సెన్సేషనల్ స్టార్ విజయ్ దేవరకొండతో 'లైగర్' అనే పాన్ ఇండియా మూవీ చేస్తున్నాడు. పూరీ కనెక్ట్స్ బ్యానర్ ఫై ప్రముఖ బాలీవుడ్ ప్రొడ్యూసర్ కరణ్ జోహార్ కలిసి పూరీ ఈ స్పోర్ట్స్ డ్రామాని నిర్మిస్తున్నారు. సెప్టెంబర్ 9న ఈ చిత్రాన్ని తెలుగు హిందీ తమిళ మలయాళ కన్నడ భాషల్లో రిలీజ్ చేయనున్నారు. ఈ నేపథ్యంలో పూరీ నెక్స్ట్ ఏ ప్రాజెక్ట్ చేయబోతున్నాడ‌నేది ఆసక్తికరంగా మారింది.

'లైగర్' త‌రువాత నందమూరి బాలకృష్ణతో పూరీ జగన్నాథ్ మరో సినిమా చేయనున్నాడనే వార్తలు వచ్చాయి. అయితే 'బీబీ3' తర్వాత గోపీచంద్ మలినేని దర్శకత్వంలో బాలయ్య సినిమా ఉంటుందని అధికారికంగా ప్రకటించారు. దీంతో బాలయ్య - పూరీ కాంబో సెట్ అవ్వడానికి ఇంకాస్త సమయం పట్టనుంది. ఈ నేపథ్యంలో పవర్ స్టార్ ప‌వ‌న్ క‌ళ్యాణ్ లేదా యువ హీరో నాగ‌శౌర్య‌తో పూరీ జ‌గ‌న్నాథ్ సినిమా ఉండొచ్చని సినీ వర్గాల్లో టాక్ నడుస్తోంది.

పూరీ తాను రాసుకున్న ఓ ప్రేమ క‌థ‌ని నాగశౌర్య‌తో తీయ‌డానికి ప్లాన్ చేస్తున్నారట. 'లైగర్' తర్వాత ఈ సినిమానే ఉండే ఛాన్సెస్ ఎక్కువగా వున్నాయని అంటున్నారు. అలానే వరుస సినిమాలతో బిజీగా ఉన్న పవన్ తో కూడా పూరీ ఓ సినిమా చేయడానికి ప్రయత్నాలు చేస్తున్నారట. ఇక సూపర్ స్టార్ మహేష్ బాబు - పూరీ కాంబోలో హ్యాట్రిక్ సినిమా కోసం ప్రొడ్యూసర్ అనిల్ సుంకర సంప్రదింపులు జరుపుతున్నారని టాక్. మరి పూరీ ముందుగా ఏ హీరోతో కమిట్ అవుతాడో చూడాలి.