బెంగ‌ళూరు అల్లుడు నాగ‌శౌర్య పెళ్లి సంద‌డి!

టాలీవుడ్ మోస్ట్ ఎలిజిబుల్ బ్యాచిలర్ నాగ‌శౌర్య ఓ ఇంటివాడ‌వుతున్నాడు. యువ‌హీరో నాగశౌర్య ఇన్నాళ్లు ట్యాలెంటెడ్ బ్యాచిల‌ర్స్ జాబితాలో కొన‌సాగాడు. కానీ ఇప్పుడు అత‌డు ఒంటరి కాదు. బెంగళూరుకు చెందిన ఇంటీరియర్ డిజైనర్ అనూషా శెట్టిని వివాహమాడుతున్నారు. వీరి పెళ్లికి సంబంధించిన ఫోటోలు సోషల్ మీడియాలో వైరల్ గా మారాయి. నవంబర్ 20 (నేడు)న‌ బెంగళూరు JW మారియట్ లో శౌర్య‌- అనూష జంట‌ వివాహం జ‌రుగుతోంది. నిన్న (నవంబర్ 19) ప్రీ వెడ్డింగ్ ఆచారాలు పూర్త‌య్యాయి.

నాగ‌శౌర్య టాలీవుడ్ లో బిజీ న‌టుడిగా కొన‌సాగుతున్నారు. తన ఇటీవలి చిత్రం `కృష్ణ బృందా విహారి` విజయాన్ని ఆస్వాధించే క్ర‌మంలోనే పెళ్లి వార్త‌లు వ‌చ్చాయి. అత‌డు బెంగళూరుకు చెందిన ఇంటీరియర్ డిజైనర్ అనూషా శెట్టిని వివాహం చేసుకోనున్నార‌ని క‌థ‌నాలొచ్చాయి. ఈ శుభవార్త అభిమానులను ఆనందపరిచింది.

ఈ పెళ్లి స్నేహితులు- కుటుంబ సభ్యులు- సినీ ప్ర‌ముఖుల‌తో విలాసవంతమైన వేడుకగా సాగుతోంది. బెంగళూరులోని JW మారియట్ హోటల్ లో వివాహ‌ వేడుకలు ఘ‌నంగా జరుగుతున్నాయి. వాటికి సంబంధించిన కొన్ని ఫోటోలు వెబ్ లో కి వ‌చ్చాయి. ఓ వీడియోలో నాగ‌శౌర్య త‌న ప్రాణ‌స‌ఖితో క‌లిసి అలా న‌డిచి వ‌స్తూ అహూతుల‌తో ఆనందం పంచుకున్నాడు. ఈ వీడియో ప్ర‌స్తుతం వైర‌ల్ గా మారుతోంది. మ‌రిన్ని వివ‌రాల కోసం `తుపాకి` డాట్ కాం చ‌ద‌వండి...