'అశ్వథ్థామ' అప్‌ డేట్స్‌ తో వచ్చేస్తున్నారట!

యంగ్‌ హీరో నాగ శౌర్య కెరీర్‌ ఆరంభం నుండి విభిన్నమైన కథలు ఎంచుకుంటూ సినిమాలు చేస్తూ వస్తున్నాడు. సక్సెస్‌ ఫ్లాప్‌ లను పట్టించుకోకుండా శౌర్య వరుసగా సినిమాలు చేస్తున్నాడు. 'ఛలో' చిత్రంతో కమర్షియల్‌ సక్సెస్‌ ను దక్కించుకున్న శౌర్య ఆ తర్వాత నర్తనశాలతో నిరాశ పర్చాడు. మాస్‌ అప్పీల్‌ ఉన్న సినిమాతో రావాలనే ఉద్దేశ్యంతో 'అశ్వథ్థామ' అనే చిత్రాన్ని చేస్తున్నాడు. ఈ చిత్రంలో భారీ యాక్షన్‌ సీన్స్‌ తో పాటు అన్ని వర్గాల వారిని ఆకట్టుకునే ఎంటర్‌ టైన్‌ మెంట్‌ కూడా ఉంటుందట.

ఇక ఈ సినిమాకు సంబంధించిన కీలక విషయాలను చెప్పేందుకు రేపు చిత్ర యూనిట్‌ సభ్యులు మీడియా సమావేశాన్ని ఏర్పాటు చేయడం చేయబోతున్నారు. రేపు ఉదయం 11.30 గంటలకు ప్రెస్‌ మీట్‌ కు చిత్ర యూనిట్‌ సభ్యులు పిలుపునిచ్చారు. ఈ సమావేశంలో విడుదల తేదీని ప్రకటించబోతున్నారు. జనవరి 31న ఈ చిత్రాన్ని విడుదల చేయబోతున్నట్లుగా ప్రకటించబోతున్నారట. షూటింగ్‌ ఎక్కడి వరకు వచ్చిందనే విషయాన్ని కూడా తెలియజేయబోతున్నట్లుగా సమాచారం అందుతోంది.

ఈ చిత్రానికి రమణ తేజ దర్శకత్వం వహిస్తున్నాడు. ఈ చిత్రంతో కమర్షియల్‌ సక్సెస్‌ కొడతాననే నమ్మకంతో నాగశౌర్య చాలా నమ్మకంగా కనిపిస్తున్నాడు. మరి సినిమా ఎలా ఉంటుందో చూడాలి. రేపటి మీడియా సమావేశంలో ఏదైనా ప్రత్యేకంగా వీడియో విడుదల చేయడం లేదంటే సింగిల్‌ విడుదల చేయడం చేస్తారేమో చూడాలి.