ఫిబ్రవరిలో నాగశౌర్య చలో

అపజయాలతో సంబంధం లేకుండా ఈ మధ్య మన యువ హీరోలు చకచకా సినిమాలను చేస్తున్నారు. నటనలో కొత్తదనం ఉంటే చాలు అనుకోని దర్శకులు కూడా స్టోరీకి తగ్గట్టు హీరోలను ఎంచుకుంటున్నారు. ప్రస్తుతం నాగశౌర్య కూడా అదే తరహాలో సినిమాలను చేస్తూ.. మంచి ఆఫర్స్ ని కూడా అందుకుంటున్నాడు. ఇకపోతే ఊహలు గుస గుసలాడే సినిమా తర్వాత వరుసగా ప్రూవ్ చేసుకుంటున్న శౌర్య.. ఇప్పుడు ఒక బ్లాక్ బస్టర్ కొట్టాలని ఉవ్విళ్ళూరుతున్నాడు.

ప్రస్తుతం 'చలో' సినిమాతో ఈ యంగ్ హీరో మన ముందుకు వస్తున్న సంగతి తెలిసిందే. అయితే ఈ సినిమాపై ఓ వర్గం ప్రేక్షకుల్లో అంచనాలు బాగానే ఉన్నాయి. తప్పకుండా సినిమా అనుకున్న స్థాయిలో హిట్ అవుతుందని చిత్ర యూనిట్ కూడా ధీమాగా ఉంది. ఇక టీజర్ కూడా బాగానే ఆకట్టుకుంది.

రెండు గ్రామాల జరిగే మధ్యనే జరిగే ఓ కథగా మంచి కాన్సెప్ట్ తో వస్తోన్న చలో బాక్స్ ఆఫీస్ దగ్గర మంచి వసూళ్లను రాబట్టగలదు అని చెప్పవచ్చు. ఇక గత కొంత కాలంగా రిలీజ్ డేట్ ఎప్పుడని సోషల్ మీడియాలో ఆడియెన్స్ కామెంట్స్ చేస్తున్నారు.

దీంతో చిత్ర బృందం ఈ ఫిబ్రవరిలో 2న సినిమాను రిలీజ్ చేయడానికి సిద్హమైంది. విభిన్న కథాంశం కావడంతో ఆ టైమ్ లో రిలీజ్ అయితే సినిమా తప్పకుండా ఆకట్టుకుంటుందని చెప్పవచ్చు. ఇక నాగశౌర్య సరసన రష్మిక మందన నటిస్తోంది. వెంకీ కుడుములు దర్శకత్వం వహిస్తోన్న ఈ సినిమా ప్రస్తుతం పోస్ట్ ప్రొడక్షన్ పనుల్లో బిజీగా ఉంది. ఐఆర్ఏ క్రియేషన్స్ పై ఉషా సినిమాను నిర్మిస్తున్నారు.