సుక్కుపై ఆశ పెట్టుకున్న యంగ్‌ హీరో

ఛలో’ చిత్రంతో మంచి కమర్షియల్‌ సక్సెస్‌ ను అందుకున్న హీరో నాగశౌర్య ఆ వెంటనే ఫ్లాప్‌ ను మూట కట్టుకోవడం జరిగింది. నర్తనశాల చిత్రంపై చాలా నమ్మకం పెట్టుకుని చేసిన నాగశౌర్యకు ఆ చిత్రం నిరాశ మిగిల్చింది. సరైన స్క్రిప్ట్‌ ను ఎంపిక చేసుకోవడంలో నాగశౌర్య విఫలం అయ్యాడు అంటూ విమర్శలు వినిపించాయి. అయితే ఇప్పుడు నాగశౌర్య కోసం స్టార్‌ డైరెక్టర్‌ సుకుమార్‌ ఒక స్క్రిప్ట్‌ ను ఓకే చేశాడు. ఆ స్క్రిప్ట్‌ తో నాగశౌర్య సినిమా చేసేందుకు కమిట్‌ మెంట్‌ ఇచ్చాడు. సుకుమార్‌ రైటింగ్స్‌ బ్యానర్‌ లో ఆ చిత్రం రూపొందబోతుంది.

సుకుమార్‌ ఒక వైపు స్టార్‌ హీరోలతో సినిమాలు చేస్తూనే మరో వైపు నిర్మాతగా కూడా వరుసగా చిత్రాలు చేసేందుకు ప్లాన్‌ చేస్తున్న విషయం తెల్సిందే. సుకుమార్‌ ‘కుమారి 21 ఎఫ్‌’ చిత్రంతో ఆకట్టుకున్న విషయం తెల్సిందే. ఆ చిత్రం రాజ్‌ తరుణ్‌ కు మంచి బ్రేక్‌ తెచ్చి పెట్టింది. సుకుమార్‌ పై నమ్మకంతో మెగా హీరో సాయి ధరమ్‌ తేజ్‌ తమ్ముడు వైష్ణవ్‌ తేజ్‌ ను కూడా అప్పగించినట్లుగా తెలుస్తోంది. వైష్ణవ్‌ తేజ్‌ తో మూవీ నిర్మిస్తునే మరో సినిమాను నాగశౌర్యతో నిర్మించే అవకాశాలు ఉన్నాయి.

నాగశౌర్య హీరోగా నిధి అగర్వాల్‌ హీరోయిన్‌ గా ఒక చిత్రం పట్టాలెక్కేందుకు సిద్దం అవుతుంది. ఈ చిత్రానికి స్క్రిప్ట్‌ వర్క్‌ లో సుకుమార్‌ హ్యాండ్‌ పడ్డట్లుగా అనుకుంటున్నారు. స్క్రిప్ట్‌ కు తుది మెరుగులు దిద్దుతున్నారని, త్వరలోనే సినిమా గురించిన అధికారిక ప్రకటన వెలువడనుందంటూ సినీ వర్గాల ద్వారా సమాచారం అందుతోంది. సుకుమార్‌ నిర్మాణంలో అయిన నాగ శౌర్యకు మంచి బ్రేక్‌ వస్తుందేమో చూడాలి.