సైలెంట్ ఎటాక్ చేయబోతున్న నాగశౌర్య

లేడీ ఫ్యాన్స్ ఎక్కువుగా ఉన్న హీరోల బ్యాచ్ లో ప్రసుతం నాగశౌర్య టాప్ ప్లేస్ లో ఉన్నాడు. సినిమాలకి వచ్చే రిజల్ట్స్ తో సంబంధం లేకుండా నాగశౌర్యకి అమ్మాయిల్లో ఫాలోయింగ్ ఏర్పడింది. అయితే నాగశౌర్య స్క్రీన్ పై సోలోగా కనిపించి చాలా రోజులు అయిపోతుంది. జ్యోఅచ్చుతానందలో నారారోహిత్ తో కలిసి నటించిన శౌర్య తాజాగా మళ్లీ ఇదే కాంబినేషన్ లో వచ్చిన కథలో రాజకుమారిలో కనిపించాడు. కథలో రాజకుమారి దర్శకనిర్మాతలు నాగశౌర్య కూడా ఈ సినిమాలో హీరో అని ప్రచారం చేసి బిజినిస్ బాగా చేసుకున్నా, కేవలం శౌర్య గెస్ట్ గా మాత్రమే నటించాడని తెలియడంతో ఫ్యాన్స్ నిరాశ పడ్డారు.

అయితే తన అభిమానుల్ని ఊరడించేందుకు ఈ యంగ్ హీరో ఓ మాస్టర్ ప్లాన్ వేసినట్లుగా చిత్ర వర్గాలు చెబుతున్నాయి. తన ఓన్ బ్యానర్ నుంచి త్వరలోనే ఓ రొమాంటిక్ కామెడీ ఎంటర్ టైనర్ ను ప్రేక్షకుల ముందుకి తీసువచ్చేందుకు సన్నాహాలు చేస్తున్నాడు. ఈ చిత్రంలో కన్నడ భామ కిరాక్ పార్టీ ఫేమ్ రష్మిక మందాన హీరోయిన్ గా నటిస్తోంది. హైదరాబాద్ - గుంటూరు పరిసర ప్రాంతాల్లో షూట్ జరుపుకుంటోన్న ఈ సినిమాను నవంబర్ లేక డిసెంబర్ లో విడుదల చేయడానికి ప్లాన్ చేస్తున్నారు. ప్రస్తుతం పోస్ట్ ప్రొడక్షన్ వర్క్స్ లో ఉన్న ఈ సినిమాకు సంబంధించిన హిందీ ఆల్ రైట్స్ కోటీ పాతిక లక్షలకు అమ్మడైనట్లుగా సమాచారం. ఇది ఇలా ఉంటే లైకా ప్రొడక్షన్స్ లో తెరకెక్కిన కణంలో కూడా నాగశౌర్య నటించాడు, ఇందులో ఫిదా ఫేమ్ సాయిపల్లవి హీరోయిన్ గా నటించింది. హారర్ జానర్ లో ఈ సినిమా సైతం నవంబర్ లేక డిసెంబర్ లో విడుదల కాబోతుంది. అంటే శౌర్య నుంచి బ్యాక్ టు బ్యాక్ సినిమాలు వస్తున్నాయి అన్నమాట. మరి ఈ రెండు చిత్రాలు శౌర్య కెరీర్ ను ఎలాంటి మలుపు తిప్పుతాయో చూడాలి.