కుర్ర హీరో.. కొత్త వ్యాపారం మొదలెట్టేశాడు

టాలీవుడ్ కుర్రకారు కొత్త వ్యాపారాలు మొదలుపెట్టడం కామన్ అయిపోయింది. హీరోయిన్ రకుల్ ప్రీత్ సింగ్ ఫిట్నెస్ సెంటర్ స్టార్ట్ చేస్తే.. హీరోలు నితిన్.. సందీప్ కిషన్ లు సొంతగా రెస్టారెంట్లు పెట్టేశారు. రానా కూడా ఆర్టిస్టుల డేట్స్ చూసే వ్యాపారం లాంటిది ప్రారంభించేందుకు రెడీగా ఉన్నాడు.

ఇప్పుడు యంగ్ హీరో నాగ శౌర్య కూడా కొత్త వ్యాపారం ప్రారంభించేస్తున్నాడు. మిగిలిన కుర్రాళ్ల మాదిరిగా కాకుండా.. నేరుగా ఫిలిం ప్రొడక్షన్ లోకి దిగిపోతున్నాడు నాగ శౌర్య. నిర్మాణ బాధ్యతలను ఈ హీరో ఫ్యామిలీ.. ముఖ్యంగా నాగశౌర్య తండ్రి శంకర్ ప్రసాద్ చేతుల మీదుగా నడుస్తాయట. బ్యానర్ వేల్యూ పెంచేందుకు గానూ మొదటి మూవీని నాగశౌర్యతోనే చేయబోతున్నారని తెలుస్తోంది. త్రివిక్రమ్ కు అసిస్టెంట్ అయిన వెంకట్ ని డైరెక్టర్ గా పరిచయం చేస్తూ.. ఈ మూవీని తెరకెక్కించనున్నారట. ఈ సినిమాలో ఓ టాప్ హీరోయిన్ ని ఎంపిక చేసేందుకు ప్రయత్నాలు జరుగుతున్నాయి. దీని తర్వాత ఇతర హీరోలతో కూడా నాగశౌర్య ప్రారంభించే బ్యానర్ పై సినిమాలు తీయబోతున్నట్లు తెలుస్తోంది.

నాగ శౌర్య ప్రస్తుతం జోరు మీదే ఉన్నాడు. గతేడాది మూడు సినిమాలు రిలీజ్ చేస్తే.. వాటిలో కళ్యాణ వైభోగమే.. జ్యో అచ్యుతానందలు మంచి సక్సెస్ సాధించాయి. మెగా డాటర్ నీహారికకు జోడీగా నటించిన ఒక మనసు మూవీకి డబ్బులు రాకపోయినా.. యాక్టర్ గా మంచి పేరు సంపాదించుకున్నాడు.


Like Us on Facebook : https://www.facebook.com/Tupakidotcom/