@నర్తనశాల సందడికి ముహూర్తం ఫిక్స్

ఛలోతో నిఖార్సైన హిట్ ని అందుకున్న నాగ శౌర్య హీరోగా రూపొందుతున్న @నర్తనశాల ఆగస్ట్ 31 విడుదలకు రంగం సిద్ధం చేసుకుంటోంది. ఇప్పటికే షూటింగ్ పూర్తి కాగా పోస్ట్ ప్రొడక్షన్ పనుల్లో యూనిట్ బిజీగా ఉంది. కశ్మీర పరదేశి - యామిని భాస్కర్ హీరోయిన్స్ గా నటిస్తున్న ఈ మూవీ అవుట్ అండ్ అవుట్ ఎంటర్ టైనర్ గా రూపొందించినట్టు తెలిసింది. శ్రీనివాస చక్రవర్తి దర్శకుడిగా పరిచయం అవుతున్న @నర్తనశాలను నాగ శౌర్య హోమ్ బ్యానర్ ఐరానే నిర్మిస్తోంది. ఇటీవలే ఇటలీలో కీలక భాగం షూటింగ్ పూర్తి చేసుకున్న టీమ్ ఇందులో మొదటి సింగల్ ఎగిరేనే మనసు ను జులై 31న సాయంత్రం 4.30కు విడుదల చేయబోతున్నారు. ఆడియో ట్రాక్ తో పాటు వీడియో రూపంలో ఇది ఉండబోతోందని సమాచారం. ఛలోతో పేరు తెచ్చుకున్న మహతి స్వర సాగర్ దీనికి కూడా దానికి ధీటైన ట్యూన్స్ ఇచ్చినట్టుగా టాక్ .

@నర్తనశాలకు కథ స్క్రీన్ ప్లే మాటలతో సహా అన్ని బాధ్యతలు శ్రీనివాస చక్రవర్తి చూసుకుంటున్నాడు. ఛలోతో పరిచయమైన వెంకీ కుడుముల తరహాలో ఇతను కూడా పేరు తెచ్చుకుంటాడనే నమ్మకాన్ని వ్యక్తం చేస్తున్నాడు హీరో నాగ శౌర్య. మ్యూజికల్ గా కూడా దీని మీద మంచి అంచనాలు ఉన్నాయి. ఆగస్ట్ 31 విడుదలకు ఇంకా నెల రోజుల సమయం ఉంది కాబట్టి ప్రమోషన్ విషయంలో అన్ని జాగ్రత్తలు తీసుకుంటోంది టీమ్. ఛలోతో మంచి బ్రేక్ అందుకున్న మహతి స్వరసాగర్ దీంతో బిజీ సంగీత దర్శకుడిగా మారతాడని అతని తండ్రి మణిశర్మ అభిమానులు నమ్మకంగా ఉన్నారు. మరి 31తో మొదలు కాబోతున్న నర్తనశాల సందడితో దీని గురించి క్లారిటీ వచ్చేస్తుంది.