ఛలో.. @నర్తనశాల ఫ్రెష్ లుక్ రేపే!

యంగ్ హీరో నాగ శౌర్య ప్రస్తుతం '@నర్తనశాల' సినిమాలో నటిస్తున్న సంగతి తెలిసిందే. సొంత బ్యానర్ అయిన ఐరా క్రియేషన్స్ పై మొదటి సారిగా 'ఛలో' సినిమాతో సూపర్ హిట్ ను అందుకున్న నాగ శౌర్యకు ఈ సినిమా తన బ్యానర్ లో రెండోది. 'ఛలో' హిట్ తో హీరోగా కెరీర్ లో మంచి ఫామ్ లో కి వచ్చినప్పటికీ ఆ తర్వాత రిలీజ్ అయిన 'కణం'.. 'అమ్మమ్మగారిల్లు' సినిమాలు పూర్తిగా నిరుత్సాహపరిచాయి. ఇప్పుడు తన ఆశలన్నీ '@నర్తనశాల' పైన పెట్టుకున్నాడు.

తాజా సమాచారం ప్రకారం ఈ సినిమా షూటింగ్ పార్ట్ పూర్తయిందట. ఈ సినిమా 'ఫ్రెష్ లుక్' ని శుక్రవారం సాయంత్రం 6.30 గంటలకు విడుదల చేస్తున్నట్టుగా ఐరా క్రియేషన్స్ టీమ్ తెలిపింది. ఈ తమ బ్యానర్ లో తెరకెక్కిన మదటి సినిమా 'ఛలో' ను ప్రేక్షకులు సూపర్ హిట్ చేశారని, దీంతో తమ టీమ్ ని డబల్ చేసి.. బడ్జెట్ ని ట్రిపుల్ చేసి.. నాలుగింతల ఎఫర్ట్స్ పెట్టి.. ఒక బెస్ట్ ఎంటర్టైనర్ ను తెలుగు ప్రేక్షకులకు అందిస్తున్నామని అంటున్నారు.

ఈ సినిమాలో నాగ శౌర్య ఒక గే పాత్రలో నటిస్తున్నాడనే టాక్ ఉంది కానీ అఫీషియల్ గా మాత్రం ఇంకా ఈవిషయం గురించి '@నర్తనశాల' టీమ్ క్లారిటీ ఇవ్వలేదు.. మరి 'ఫ్రెష్ లుక్' లో గానీ టీజర్లో గానీ దీనికి సంబంధించిన హింట్ ఇస్తారేమో వేచి చూడాలి.