గే ఫ్రెండ్స్ ఉండడంతో ఆ పని ఈజీ అయింది!

యంగ్ హీరో నాగ శౌర్య తాజా చిత్రం '@నర్తనశాల' మరో రెండు రోజుల్లో విడుదల కానుంది. కామెడి ఎంటర్టైనర్ గా తెరకెక్కుతున్న ఈ సినిమాలో శౌర్య ఒక గే పాత్రలో నటిస్తున్నాడు ఇప్పటికే ఈ విషయాన్ని టీజర్ లో వెల్లడించారు. గే పాత్ర పోషించడం కాస్త కష్టమైన విషయమే. అసలే ఆరడుగుల అందగాడైన శౌర్యకు ఇంకా కష్టం. మరి ఎలా ఆ పాత్రను పోషించాడు?

అదే విషయం శౌర్యను అడిగితే తనకసలేమాత్రం గే పాత్ర కష్టమనిపించలేదు అన్నాడు. కారణం తన ఫ్రెండ్స్ అట. తన ఫ్రెండ్స్ లో చాలామంది గే లు ఉన్నారని.. దాంతో వాళ్ళ బాడీ లాంగ్వేజ్ - ప్రవర్తన ను దగ్గరగా పరిశీలించే అవకాశం దొరికిందని చెప్పాడు. చాలా సార్లు బయటకెళ్ళిన సమయంలో - పార్టీల్లో వాళ్ళను కలుస్తుంటామని అందుకే గే పాత్ర పోషించడం అసలు కష్టం అనిపించలేదు అన్నాడు.

అప్పట్లో బృహన్నల అంటే జనాలు బారెడు దూరం పారిపోయేవారు. ఇప్పుడు వాళ్ళు కామన్ అయిపోయారు. దాంతో శౌర్య పని సులువైపోయింది. ఇక సినిమాలో ఈ వెరైటీ పాత్రలో ఎలా నటించాడో - కామెడి పంచాడో తెలియాలంటే రెండు రోజులు అగాలి.