గే ఎఫెక్ట్.. హీరో స్క్రిప్ట్ పై పడింది

ఒక సినిమా హిట్ అయితే హీరోకు గానీ డైరెక్టర్ కు గానీ వెయ్యి ఎనుగుల బలం వచ్చినట్టు అనిపిస్తుంది. మరి సినిమా ఫ్లాప్ అయితే ఆ ఇంపాక్ట్ కూడా అంతే గట్టిగా ఉంటుంది.. కాకపోతే రివర్స్ లో. యంగ్ హీరో నాగశౌర్య సొంత బ్యానర్ లో తెరకెక్కిన 'ఛలో' బాక్స్ ఆఫీస్ హిట్ గా నిలిచి శౌర్య కెరీర్ కు మంచి బూస్ట్ ఇచ్చింది. కానీ వెంటనే 'కణం'.. 'అమ్మమ్మగారిల్లు' బాక్స్ ఆఫీస్ వద్ద పూర్తిగా నిరాశపరిచాయి. ఇక మళ్ళీ సొంత బ్యానర్ లో తెరకెక్కిన '@నర్తనశాల' చిత్రంపై ఆశలుపెట్టుకున్నా అది కూడా పెద్ద ఫ్లాప్ గా నిలిచింది. దీంతో నాగశౌర్య ఫ్యూచర్ ప్రాజెక్టులలో మార్పు చేర్పులు జరుగుతున్నాయట.

నాగ శౌర్య ప్రస్తుతం భవ్య క్రియేషన్స్ బ్యానర్ లో ఒక సినిమా చేస్తున్నాడు. రాజా కొలుసు అనే కొత్త దర్శకుడు ఈ సినిమా ద్వారా టాలీవుడ్ కు పరిచయం అవుతున్నాడు. ఈ సినిమా షూటింగ్ ఆల్రెడీ మొదలయింది కానీ ఇప్పుడు షూటింగ్ ను ఆపి హోల్డ్ లో పెట్టారట. ఖచ్చితంగా హిట్ కొట్టాల్సిన పరిస్థితిలో ఉన్నాడు కాబట్టి నాగ శౌర్య కు స్క్రిప్ట్ విషయంలో ఏమాత్రం ఛాన్స్ తీసుకోవడం ఇష్టం లేదట. దీంతో స్క్రిప్ట్ ను ఫైన్ ట్యూన్ చేయమని డైరెక్టర్ ను కోరాడట. ఈ జెనరేషన్ ఆడియన్స్ టేస్ట్ కు తగ్గట్టుగా ఆ మార్పులు ఉండాలని సూచించాడట. దాంతో భవ్య క్రియేషన్స్ వారు కూడా స్క్రిప్ట్ విషయంలో శౌర్య ఒకే చెప్పేదాకా షూటింగ్ కు బ్రేక్ ఇచ్చారట.

ఈ సినిమానే కాకుండా శౌర్య హోమ్ బ్యానర్ అయిన ఐరా క్రియేషన్ లో తెరకెక్కించనున్న మూడో సినిమా స్క్రిప్ట్ లో కూడా మార్పుచేర్పులు జరుగుతున్నాయని సమాచారం. చూస్తుంటే అమ్మమ్మగారిళ్ళు.. కణాల కంటే నర్తనశాల హీట్ శౌర్య కు గట్టిగా తగిలినట్టుంది.