నాగ శౌర్య ఛలో అంటున్నాడా?

వరుసపెట్టి యూత్ ఫుల్ సినిమాలతో సందడి చేస్తున్న యంగ్ హీరో నాగ శౌర్య ఇప్పుడు ఒక క్రేజీ సినిమా సైలెంటుగా దించబోతున్నాడా? అంటే.. అవుననే అంటున్నారు ఇండస్ట్రీ వర్గాలు. ఊహలు గుసగుసలాడే సినిమా నుండి దిక్కులు చూడకు రామయ్య వరకు.. అలాగే కళ్యాణ్‌ వైభోగమే నుండి జ్యో అచ్చుతానంద వరకు.. ఎంతో ఆసక్తికరమైన సినిమాలను చేసిన ఈ హీరో.. ఇప్పుడు ఒక కాలేజీ బ్యాక్ డ్రాప్ సినిమాతో రాబోతున్నాడు. ఈ సినిమాకు ఒక టైటిల్ కూడా సెలక్ట్ చేశారట తెలుసా?

''ఛలో'' అనే టైటిల్ తో ఇప్పుడు నాగ శౌర్య ఇప్పుడు రాబోతున్నాడని తెలుస్తోంది. కన్నడ కిరిక్ పార్టీ సినిమాతో బాగా పాపులర్ అయిపోయిన హీరోయిన రష్మిక మండాన్న ఈ సినిమాలో శౌర్యను రొమాన్స్ చేస్తోంది. వెంకీ కుడుముల అనే నూతన దర్శకుడు ఈ సినిమాను చాలా కాంటెపరరీ కథాంశంతో ఎంతో చక్కగా తీర్చిదిద్దాడని టాక్. గతంలో త్రివిక్రమ్ దగ్గర అసిస్టెంట్ గా పనిచేసిన ఈ దర్శకుడు.. తన కలం పదను కూడా బాగా చూపించాడట. ఈ సినిమా కథ బాగా నచ్చడంతో శౌర్య స్వయంగా ఈ సినిమాను నిర్మిస్తున్నాడు.

ఇప్పుడసలే చిన్న చిన్న క్యూట్ టైటిల్స్ బాగా పాపులర్ అవుతున్నాయి. ఈ మధ్య కాలంలో ఫిదా ప్రేమమ్ వంటి సినిమాల టైటిల్స్ చూశాక.. ఇప్పుడు ఈ 'ఛలో'లో కూడా చాలా యూత్ ఫుల్ పవర్ ఉందనే అనిపిస్తోంది. చూద్దాం శౌర్య ఏం చేయబోతున్నాడో!!