మెగా బ్రదర్.. ఉతికి అవతలపారేశాడు!!

''రీమేక్ చేస్తే తప్పేంటో నాకు అర్ధం కాలేదు. చరణ్‌ బాబు మాత్రమే కాదు.. చిరంజీవి గారు.. కళ్యాణ్‌ బాబు.. అందరూ రీమేకులు చేశారు. దానిలో తప్పేం లేదు'' అంటూ నాగబాబు రీమేక్ సినిమాలను కామెంట్ చేసేవాళ్ళకు సింగిల్ లైన్ ఆన్సర్ ఇచ్చాడు. అయితే ఆయన వగరు విగరు పొగరు అంతటితో ఆగలేదు.

''ప్రతీ వాడికీ మెగాస్టార్ మీదనో మెగా ఫ్యామిలీనో చూపుంటుంది. ఆయన్నో ఆయన ఫ్యామిలీనో విమర్శిస్తే కొంత మైలేజీ వస్తుంది. ఈ మధ్యన ఒక ప్రముఖుడు.. రచనా వ్యాసంగంలో ఆరితేరిన ఒక మూర్ఖుడు ఉన్నాడు. వాడికి వ్యక్తిత్వ వికాసం లేదు. వాడు చరణ్‌ గురించా ఏవో చెత్త కామెంట్లు చేశాడు. వాడు వ్యక్తిత్వ వికాసం గురించి అందరికీ క్లాసులు చెప్పే ముందు.. వాడు కాస్త వ్యక్తిత్వం నేర్చుకుంటే బెటర్'' అంటూ నాగబాబు కామెంట్ చేశారు. అయితే ఈ కామెంట్లు.. ప్రముఖ నవలా రచయిత యండమూరి వీరేంద్రనాథ్ ను టార్గెట్ చేసినవే అని వేరే చెప్పక్కర్లేదు.

''అలాగే ఒకడు ముంబయ్ వెళ్ళి.. ఏదో చేస్తానని.. వాడు ఇప్పుడు అక్కడ బాంబులు పేల్చుకోకుండా ఇక్కడ కొచ్చి కూతలు కూస్తున్నాడు. వాడు ముంబయ్ వెళ్ళి అక్కడ పని చూసుకోకుండా.. చిరంజీవిగారి సినిమా ఎలా ఉండాలి.. చిరంజీవి గారు ఎలా యాక్ట్ చేయాలి.. అంటూ వాడు మాట్లాడటం.. వాడో అక్కుపక్షి.. వాడిలా అడ్డ దారిలో డైరక్టర్ అవ్వలేదు మేము. కష్టపడి పైకొచ్చాం. ఆన్ లైన్లో రకరకాలు కూతలు కూస్తున్నాడు. ముందు నువ్వు సినిమాలు సరిగ్గా చేయడం నేర్చుకో. పక్షి కూతలు ఎన్నికూసినా కూడా.. సూపర్ హిట్ సినిమాను తొక్కలేవు.. ఫెయిల్యూర్ సినిమాను లేపలేవు..'' అంటూ మరో పంచ్ లు పేల్చాడు నాగబాబు. ఇవి ఆన్ లైన్లో మెగాస్టార్ సినిమాపై బీభత్సమైన కామెంట్లు చేస్తున్న రామ్ గోపాల్ వర్మపైనే అని అర్దంచేసుకోవచ్చు.

మరి మెగా బ్రదర్ పేర్లు తియ్యకుండా అలా ఉతికి అవతలపారేశాడు కాబట్టి.. అవతలి వారు ఎలా రియాక్ట్ అవుతారో చూడాలి.


Like Us on Facebook : https://www.facebook.com/Tupakidotcom/