నిహారిక‌కి ఆడీ గిఫ్టిచ్చిన డాడీ

మొన్నేమో తండ్రిపై ప్రేమ‌తో కొడుకు ఖ‌రీదైన కారును గిఫ్టిచ్చాడు. ఇప్పుడేమో కూతురిపై ప్రేమ‌తో డాడీ కారును కొనిచ్చాడు. మెగా కుటుంబంలోని అనుబంధాల సంగ‌తి ఇది. వార‌సులు సినిమాల్లో ఎంట్రీ ఇచ్చాక నాగ‌బాబు చాలా ఖుషీగా ఉన్నాడు. ఇద్ద‌రూ కూడా తొలి అడుగుల్లోనే మంచి ప్ర‌తిభావంతులు అనిపించుకొన్నారు. ఏ తండ్రికైనా అంత‌కంటే సంతోష‌మేముంటుంది? అందుకే త‌న వార‌సుల్ని చూసి ఆనందంతో ఉప్పొంగిపోతున్నారు నాగ‌బాబు. స్వ‌యంగా సంపాదించిన రెమ్యున‌రేష‌న్‌ తో వ‌రుణ్‌ తేజ్ త‌న తండ్రి నాగ‌బాబుకి ఇటీవ‌ల ఓ ఖ‌రీదైన కారును బ‌హుమ‌తిగా ఇచ్చిన సంగ‌తి తెలిసిందే.

ఇప్పుడే అదే ప్రేమ‌ని త‌న కూతురిపై చూపించాడు నాగ‌బాబు. ఆడీ కారును కొని త‌న కూతురికి బ‌హుమ‌తిగా అంద‌జేశాడు. నిహారిక ఇటీవ‌లే క‌థానాయిక‌గా ఎంట్రీ ఇచ్చింది. ఆమె న‌టించిన ఒక మ‌న‌సు త్వ‌ర‌లోనే ప్రేక్ష‌కుల ముందుకు రాబోతోంది. ఈ సంద‌ర్భంగా నాగ‌బాబు ముందుగానే ఆమెకి గిఫ్టిచ్చాడు. దీంతో నిహారిక సంతోషానికి అవ‌ధుల్లేకుండా పోయాయి. ఇంకా తొలి సినిమా విడుద‌ల కాక‌ముందే నిహారికకి బోలెడ‌న్ని ఆఫ‌ర్లు వ‌స్తున్నాయ‌ట‌.