చరణ్‌ కూ ఆ ఆలోచన వద్దు : నాగబాబు

ప్రస్తుతం బయోపిక్‌ ట్రెండ్‌ నడుస్తున్న నేపథ్యంలో చిరంజీవి బయోపిక్‌ కూడా వస్తే బాగుంటుందనే అభిప్రాయం మెగా ఫ్యాన్స్‌ తో పాటు కొందరిలో వ్యక్తం అవుతుంది. మెగాస్టార్‌ చిరంజీవి బయోపిక్‌ ను రామ్‌ చరణ్‌ తీయాలని మెగా ఫ్యాన్స్‌ కొందరు ఆశ పడుతున్నారు. మెగాస్టార్‌ చిరంజీవి కెరీర్‌ ఆరంభంలో చాలా కష్టపడ్డాడు. కింది స్థాయి నుండి వచ్చిన వ్యక్తి కనుక చిరంజీవి గారి బయోపిక్‌ అందరికి ఆదర్శంగా ఉంటుందని కొందరు ఆ ప్రయత్నాలు కూడా చేస్తున్నట్లుగా ప్రచారం జరుగుతుంది. ఇలాంటి సమయంలో నాగబాబు మాట్లాడుతూ చిరంజీవి బయోపిక్‌ ఆలోచన వద్దంటే వద్దన్నాడు.

ఒక వెబ్‌ ఛానెల్‌ కు ఇచ్చిన ఇంటర్వ్యూలో నాగబాబు మాట్లాడుతూ.. అన్నయ్య మీద బయోపిక్‌ తీస్తే ఆలోచన నాకైతే అస్సలు లేదు. నాకే కాదు చరణ్‌ కు కూడా ఉండదని నేను భావిస్తున్నాను. చరణ్‌ ఆ ఆలోచన చేస్తాడని నేను అనుకోవడం లేదు. అన్నయ్య లైఫ్‌ బయోపిక్‌ మూవీకి సెట్‌ అవుతుదని నేను భావించడం లేదు. ఎందుకంటే సినిమా అంటే అప్‌ అండ్‌ డౌన్స్‌ - హ్యాపీ - సాడ్‌ ఉండాలి. కాని అన్నయ్య జీవితంలో అలాంటివి తక్కువగా ఉంటాయి. ఉన్నది ఉన్నట్లుగా చూపిస్తే తప్పకుండా బయోపిక్‌ ప్రేక్షకులను ఆకట్టుకోదు.

ఒక సావిత్రి గారు - సిల్క్‌ స్మిత బయోపిక్‌ లు వచ్చాయి అంటే వారి జీవితంలో కొన్ని ముఖ్య ఘట్టాలు ప్రేక్షకుల్లో ఆసక్తిని కలిగించాయి. వాటిని గురించి తెలుసుకునేందుకు సినిమాను చూశారు. కాని అన్నయ్య బయోపిక్‌ లో అలాంటివి ఏమీ లేవు, అందుకే అన్నయ్య బయోపిక్‌ ఇప్పుడే కాదు ఎప్పటికి కూడా ఆలోచన లేదని నాగబాబు క్లారిటీ ఇచ్చాడు. నాగబాబు అయితే క్లారిటీగా ఉన్నాడు, మరి చరణ్‌ కు ఏమైనా ఆలోచన ఉందేమో ఆయన క్లారిటీ ఇచ్చేనేమో చూడాలి.