సూర్యలో మెగా బ్రదర్ షేర్

అల్లు అర్జున్ హీరోగా కొత్త సినిమా మొదలైపోయింది. నాపేరు సూర్య అనే టైటిల్ పై ఇప్పటికే టైటిల్ లోగోను కూడా రిలీజ్ చేసేశారు. నా ఇల్లు ఇండియా అనే ట్యాగ్ లైన్ తో తెరకెక్కుతున్న ఈ చిత్రంతో స్టార్ రైటర్ వక్కంతం వంశీ దర్శకుడిగా పరిచయం కానున్నాడు.

ఇప్పటివరకూ చిన్న చిత్రాలను నిర్మించిన లగడపాటి శ్రీధర్.. తొలిసారిగా భారీ చిత్ర నిర్మాణం చేపట్టారు. 'నాతో ఓ మూవీ చేస్తానని గతంలో అల్లు అర్జున్ ప్రామిస్ చేశారు. ఇప్పుడా మాటను నిలబెట్టుకుంటూ.. నా పేరు సూర్య చేస్తున్న బన్నీకి ధన్యవాదాలు. నాగేంద్ర బాబు.. బన్నీవాసుల ఆధ్వర్యంలోనే ఈ చిత్ర నిర్మాణం జరగనుంది' అని ఓపెన్ గానే చెప్పేశారు. ఈ మాటల ప్రకారం అల్లు అర్జున్ సినిమాలో నాగేంద్ర బాబుకు కూడా వాటా ఉందని అర్ధం చేసుకోవచ్చు. నిజానికి ఆరెంజ్ మూవీ డిజప్పాయింట్ చేసిన తర్వాత.. నాగేంద్రబాబు నిర్మాణం జోలికి పోలేదు.

ఇప్పుడు మెల్లమెల్లగా తేరుకుంటున్న ఆయన.. మళ్లీ మూవీ ప్రొడక్షన్ లోకి వస్తున్నారు. అంజనా ప్రొడక్షన్స్ పై కాకపోయినా.. ఇతర బ్యానర్లపై నిర్మాణమయ్యే చిత్రాలలో వాటాలు తీసుకుని నిర్మాణం చేపట్టనున్నారని అంటున్నారు. ఇది ఇకపై కూడా కొనసాగే అవకాశాలు కనిపిస్తున్నాయి.

Like Us on Facebook : https://www.facebook.com/Tupakidotcom/