నాగార్జున ది ఘోస్ట్.. కింగు లాంటి లుక్!

అక్కినేని నాగార్జున నెక్స్ట్ సినిమా ది ఘోస్ట్ భారీ స్థాయిలోనే విడుదల కాబోతోంది. నాగార్జున ఎలాగైనా ఈ సినిమాతో మంచి సక్సెస్ అందుకోవాలని అనుకుంటున్నాడు. ఎందుకంటే ఆయన సోలోగా సక్సెస్ అందుకుని చాలాకాలం అయింది. అప్పుడెప్పుడో వచ్చిన సోగ్గాడే చిన్నినాయన సినిమా తర్వాత మళ్లీ సరైన సక్సెస్ దక్కలేదు. అందుకే ఎలాగైనా ది ఘోస్ట్ సినిమాతో తన మార్కెట్ కూడా పెంచుకోవాలని అనుకుంటున్నాడు.

ఇక ఈ సినిమాకు ప్రవీణ్ సత్తారు దర్శకత్వం వహించడంతో ఓవర్గం ప్రేక్షకులలో అంచనాలు అయితే గట్టిగానే ఉన్నాయి. ఇప్పటివరకు సినిమాకు సంబంధించిన ప్రమోషన్స్ విషయంలో కూడా చిత్ర యూనిట్ కొనసాగుతున్న విధానానికి పాజిటివ్ టాక్ అయితే అందుతొంది.

ఇక రీసెంట్ గా నాగార్జున పుట్టినరోజు సందర్భంగా విడుదల చేసిన ఒక పోస్టర్ కూడా మంచి హైప్ అయితే క్రియేట్ చేస్తోంది. నాగార్జునను అభిమానులు ఎక్కువగా మన్మధుడు అనే ట్యాగ్ తో పిలుచుకుంటూ ఉంటారు.

అలాగే కింగ్ ట్యాగ్ కూడా ఆయనకు కరెక్ట్ గా సెట్ అవుతుంది. ఇక ఇప్పుడు విడుదల చేసిన ది ఘోస్ట్ పోస్టర్లో ఆయన చేతిలో కత్తి పట్టుకుని ఒక కింగ్ తరహాలోని దర్శనం ఇస్తున్నారు. డిఫరెంట్ క్రైమ్ థ్రిల్లర్ గా రూపొందుతున్న ది ఘోస్ట్ సినిమాలో నాగార్జున ఒక పవర్ఫుల్ ఇంటర్ పోల్ ఆఫీసర్ గా కనిపించబోతున్నాడు. తన సోదరి కూతురికి బాడీగార్డ్ గా విలన్స్ తో ఏ విధంగా పోరాడాడు అనేది ఈ సినిమా కథ అని తెలుస్తోంది.

ఇప్పటికే విడుదలైన ట్రైలర్ కూడా పాజిటివ్ వైబ్రేషన్స్ క్రియేట్ చేసింది. తప్పకుండా సినిమా సక్సెస్ అవుతుంది అనే నమ్మకంతోనే భారీ స్థాయిలో సినిమాను విడుదల చేయబోతున్నారు. ఇక సినిమాకు సంబంధించిన పోస్ట్ ప్రొడక్షన్ పనులన్నీ కూడా ఫినిష్ అయ్యాయి.

ఇక సినిమాను అక్టోబర్ 5వ తేదీన విడుదల చేయాలని డేట్ అయితే ఫిక్స్ చేసుకున్నారు. ఇక అదే సమయంలో మెగాస్టార్ చిరంజీవి గాడ్ ఫాదర్ సినిమా కూడా ప్రేక్షకుల ముందుకు రాబోతోంది. మరి ఈ బాక్స్ ఆఫీస్ ఫైట్ లో ఏ హీరో పై చేయి సాధిస్తారో చూడాలి.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.