'ఒకే ఒక జీవితం' చూసి కన్నీళ్లు పెట్టుకున్న నాగ్..!

యువ హీరో శర్వానంద్ నటించిన ''ఒకే ఒక జీవితం'' సినిమా ఈ వారం ప్రేక్షకుల ముందుకు రాబోతోంది. ప్రమోషనల్ కంటెంట్ ద్వారా ఇదొక టైం ట్రావెల్ కాన్సెప్ట్ తో కూడిన ఫ్యామిలీ ఎంటర్‌టైనర్‌ అని క్లారిటీ వచ్చేసింది.

శ్రీ కార్తీక్ దర్శకత్వంలో డ్రీమ్ వారియర్ పిక్చర్స్ పై రూపొందిన ఈ చిత్రంలో రీతూ వర్మ హీరోయిన్ గా నటించింది. ఇందులో శర్వాకు తల్లిగా అమల అక్కినేని నటించగా.. వెన్నెల కిషోర్ - ప్రియదర్శి కీలక పాత్రలు పోషించారు.

శర్వానంద్ ఈ సినిమా కంటెంట్ పై ఫుల్ కాన్ఫిడెంట్‌ గా ఉన్నాడు. అందుకే మూడు రోజుల ముందుగానే స్పెషల్ సెలెబ్రిటీ ప్రీమియర్ షోని ప్రదర్శించారు. మంగళవారం రాత్రి వేసిన ఈ స్పెషల్ షోకి చిత్ర బృందంతో పాటు కింగ్ అక్కినేని నాగార్జున - అఖిల్‌ అతిథిలుగా వచ్చారు.

అలానే శర్వానంద్ తల్లి - అమల అక్కినేని తల్లి కూడా హాజరయ్యారు. హను రాఘవపూడి - చందూ మొండేటి - మల్లిడి వశిష్ట - మారుతి - వెంకీ కుడుముల - వెంకీ అట్లూరి - శ్రీరామ్ ఆదిత్య - మేర్లపాక గాంధీ వంటి దర్శకులు ఈ ప్రీమియర్ షోని చూసిన వారిలో ఉన్నారు.

'ఒకే ఒక జీవితం' సెలబ్రిటీ ప్రీమియర్ షోకి మంచి రెస్పాన్స్ వచ్చింది. సినిమా చూసిన సినీ ప్రముఖులు శర్వానంద్ మరియు మొత్తం టీమ్ పై ప్రశంసలు కురిపించారు. సైన్స్ ఫిక్షన్ అంశాలతో ఇలాంటి ఎమోషనల్ హార్ట్ టచింగ్ మూవీని రూపొందించారని అభినందిస్తున్నారు.

ముఖ్యంగా నాగార్జున ఈ సినిమా చూసి చాలా ఎమోషనల్ అయ్యారు. కొన్ని సన్నివేశాలకు తన భావోద్వేగాలను అదుపు చేసుకోలేక కన్నీళ్లు పెట్టుకున్నారు. సినిమా అనంతరం శర్వానంద్ - అమల లను హగ్ చేసుకొని అభినందించారు.

సినిమాలో కంటెంట్ మరియు అసాధారణమైన ప్రదర్శనలను నాగ్ ఇష్టపడినట్లు తెలుస్తోంది. ఒక మంచి ఫ్యామిలీ ఎంటర్‌టైనర్‌ తో అమల తెలుగులో కంబ్యాక్ ఇచ్చినందుకు సంతృప్తి చెందాడు. సెన్సిటివ్ సబ్జెక్ట్‌ ని సమర్ధవంతంగా డీల్ చేసినందుకు దర్శకుడు శ్రీ కార్తీక్‌ ను కూడా ఆయన అభినందించారు.

'ఒకే ఒక జీవితం' అన్ని వయసుల ప్రేక్షకులను ఆకట్టుకుంటుందని సెలబ్రిటీ ప్రీమియర్ షో టాక్ చెబుతోంది. సినిమాలో తగినంత ఎంటర్‌టైన్‌మెంట్ ఉంటుందని.. ఎమోషనల్ సీక్వెన్స్‌ లు ఆడియన్స్ కు బాగా కనెక్ట్ అవుతాయని అంటున్నారు.

కాగా, శర్వా కెరీర్ లో మైలురాయి 30వ చిత్రంగా రూపొందిన 'ఒకే ఒక జీవితం' సెప్టెంబర్ 9న ప్రపంచ వ్యాప్తంగా విడుదల కాబోతోంది. తమిళ్ లో 'కణం' అనే పేరుతో ఈ చిత్రాన్ని ప్రేక్షకుల ముందుకు తీసుకొస్తున్నారు. రిలీజ్ కు ముందు రోజు మీడియాకు స్పెషల్ షో వేయనున్నట్లు సమాచారం.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.