యుద్ధంలో గెలుపుపై నానికి నమ్మకం లేదా?

ఓ సినిమా ఎలా ఉండబోతోంది అనే విషయం.. ఆ మూవీలో లీడ్ రోల్స్ లో నటించిన యాక్టర్స్ ముందుగా చెప్పే మాటల ప్రకారం ఓ ఐడియా వచ్చేస్తుంది. అందరూ గొప్పగా చెప్పేందుకు ట్రై చేస్తారు కానీ.. బిహేవియర్ లో తేడాలతో జనాలు ఓ అంచనాకు వచ్చేస్తారు. మరో వారం రోజుల్లో నాని నటించిన కృష్ణార్జున యుద్ధం విడుదల కాబోతోంది.

ఈ సినిమాపై జనాల్లో ఇప్పటివరకూ మంచి అంచనాలే ఉన్నాయి. వరుస హిట్స్ తో న్యాచురల్ స్టార్ ఊపు మీద ఉండడమే ఇందుకు కారణం. కానీ నానికి మాత్రం ఈ సినిమాపై అంతగా కాన్ఫిడెన్స్ లేదనే టాక్ ఇండస్ట్రీలో బయలుదేరింది. అందుకే ఇంకో వారంలో కృష్ణార్జున యుద్ధం సినిమా రిలీజ్ ఉండగా.. ప్రస్తుతం తన నెక్ట్స్ మూవీ షూటింగ్ చేసుకుంటున్నాడు. అంటే కృష్ణార్జున యుద్ధం బాక్సాఫీస్ దగ్గర గెలవడం కష్టం అని నాని అనుకుంటున్నాడా అన్నది టాక్. శ్రీరాం ఆదిత్య దర్శకత్వంలో నాగార్జునతో కలిసి నటిస్తున్న సినిమా అప్డేట్స్ ను బాగానే ఇస్తున్నాడు. నాగ్- నానిలు ఒకరిపై ఒకరు ట్వీట్స్ చేసుకుంటున్నారు.

నిజానికి ఒక వారంలో సినిమా రిలీజ్ ఉందంటే.. హీరో ఫుల్లు హంగామాతో ప్రచారం చేసుకుంటూ ఉండాలి. అలాంటివి చేయకుండా.. తర్వాతి సినిమా గురించి అప్డేట్స్ ఇస్తుండడం అంటే.. ఇదేదో ఆలోచించాల్సిన విషయమే అంటున్నారు ఇండస్ట్రీ జనాలు. ఇంతకీ కృష్ణార్జున యుద్ధం మూవీకి నాని ఎప్పటి నుంచి ప్రమోషన్స్ చేస్తాడు.. ఏ మాట్లాడతాడు.. సినిమా గురించి ఏం చెబుతాడు అనే ఆసక్తి మాత్రం కనిపిస్తోంది.