ఫ్రెండు ఫ్రెండే.. వ్యాపారం వ్యాపారమే

నిర్మాత పొట్లూరి వర ప్రసాద్ - కింగ్ అక్కినేని నాగార్జున మంచి స్నేహితులు అన్న విషయంలో ఎలాంటి సీక్రెట్స్ లేవు. ఒకరి ఇంట్లో ఫంక్షన్ కి మరొరకి ఫ్యామిలీ మొత్తం వెళ్లేంత సాన్నిహిత్యం ఈ రెండు కుటుంబాల మధ్య ఉంది. అంతేకాదు.. ప్రస్తుతం పీవీపీ బ్యానర్ పై నాగార్జున హీరోగా ఊపిరి మూవీ కూడా తెరకెక్కుతోంది. అలాగని ఫ్రెండ్ షిప్ కోసం త్యాగాలు చేసే టైప్ కాదు వీళ్లిద్దరూ.

ఈ నెల 26న రిలీజ్ కానున్న సినిమాల సంగతి చూస్తే.. నాగ్ - పీవీపీ పోటీ పడనున్నారనే విషయం స్పష్టమైపోతోంది. పీవీపీ బ్యానర్ లో తెరకెక్కిన క్షణం మూవీని ఫిబ్రవరి 26న రిలీజ్ చేసేందుకు సన్నాహాలు జరుగుతున్నాయి. నిజానికి ఈ సినిమాని మార్చ్ 4న విడుదల చేద్దామని అనుకున్నారు కానీ.. ఆ డేట్ ని చాలా సినిమాలు అనౌన్స్ చేయడంతో.. ఓ వారం ముందే తెరపైకి తేవాలని డిసైడ్ అయ్యారు. ఇందుకోసం క్షణం పనులన్నీ వేగంగా నిర్వహిస్తున్నారు. అయితే అన్నపూర్ణ స్టూడియోస్ ప్రమోట్ చేస్తున్న పడేశావే చిత్రాన్ని ఇదే డేట్ కి విడుదల చేయనున్నట్లు ఇప్పటికే అనౌన్స్ చేసేశారు.

ఇద్దరు స్నేహితులు తమ సినిమాలను ఒకే రోజు తెస్తున్నారంటే పోటీకి సై అన్నట్లే. స్నేహం స్నేహమే, వ్యాపారం వ్యాపారమే అన్నట్లుగా ఉండడం నాగ్, పీవీపీల నైజం. బహుశా అందుకే ఇప్పుడు ఇంత సక్సెస్ ఫుల్ గా దూసుకుపోతున్నారని కూడా చెప్పచ్చు. అయినా మూవీలో కంటెంట్ ఉండాలి కానీ.. పోటీ పెద్ద విషయమేం కాదు కదా!