దుబాయ్ స‌ముద్రంలో ఘోస్ట్ రొమాన్స్..!?

`ఘోస్ట్` టీమ్ కి క‌రోనా సోక‌డంతో దుబాయ్ షెడ్యూల్ వాయిదా ప‌డింద‌ని ప్ర‌చార‌మైంది. కింగ్ నాగార్జున ఇటీవ‌లే `బంగార్రాజు` తో మ‌రో స‌క్సెస్ ని ఖాతాలో వేసుకుని జోష్ తో ఘోస్ట్ షూటింగులో పాల్గొనేందుకు సిద్ధ‌మ‌య్యారు. కానీ అది కొంత ఆల‌స్య‌మైంది. ప్ర‌స్తుతం నాగార్జున ప్ర‌వీణ్ స‌త్తారు కాంబో `ది ఘోస్ట్` ని శ‌ర‌వేగంగా పూర్తి చేసేందుకు ప్ర‌ణాళిక‌లో ఉంది. దుబాయ్ లో తొలి షెడ్యూల్ ప్లాన్ చేసారు.

ఈ చిత్రంలో నాగార్జున‌కు జోడీగా సోనాల్ చౌహాన్..గుల్ ప‌నాగ్..అనిఖా సురేంద్ర‌న్ న‌టిస్తున్నారు. ఇదొక ఫాంట‌సీ థ్రిల్ల‌ర్ చిత్రం. ఇప్ప‌టికే నాగార్జున ప్రీ లుక్ పోస్ట‌ర్ ని కూడా రిలీజ్ చేయ‌గా వైర‌ల్ అయ్యింది. వ‌ర్షంలో క‌త్తిప‌ట్టుకుని ఉన్న ఔట్ అండ్ ఔట్ యాక్ష‌న్ లుక్ లో కింగ్ ఆద్యంతం ఆక‌ట్టుకున్నారు.

ప్ర‌స్తుతం దుబాయ్ లో నాగార్జున‌- సోనాల్ జంట‌పై హాట్ సాంగ్ ని తెర‌కెక్కిస్తున్నామ‌ని టీమ్ అధికారికంగా ప్ర‌క‌టించింది. ఇది బ్లూ-సీలో క్రేజీగా తెర‌కెక్క‌నుంది. చూస్తుంటే సూప‌ర్ లో స్పెష‌ల్ సాంగ్ త‌ర‌హాలో ఘోస్ట్ లోనూ ప్ర‌వీణ్ స‌త్తారు ఘాటుగా ప్లాన్ చేశార‌ని అర్థ‌మ‌వుతోంది. గుంటూరోడులో శ్ర‌ద్ధా దాస్ రేంజును మించి సోనాల్ బికినీల్లో హీట్ పెంచ‌నుంద‌ని అర్థ‌మ‌వుతోంది. ముఖ్యంగా దుబాయ్ సాంగ్ థియేట‌ర్ల‌లో మంట‌లు పుట్టిస్తుంద‌నడంలో సందేహం లేదు. త్వ‌ర‌లోనే మ‌రింత ఎగ్జ‌యిటింగ్ అప్ డేట్ ని అందిస్తామ‌ని టీమ్ చెబుతోంది.

కింగ్ ఫాంట‌సీ థ్రిల్ల‌ర్ జోన‌ర్ తో కొత్త‌ ప్ర‌య‌త్నం చేస్తున్నారు. `ది ఘోస్ట్` చిత్రాన్ని శ్రీ వెంకటేశ్వర సినిమాస్ ఎల్ఎల్పి.. నార్త్‌ స్టార్ ఎంటర్‌టైన్ మెంట్ బ్యానర్ లపై నారాయణ్ దాస్ కె నారంగ్- పుస్కూర్ రామ్ మోహన్ రావు- శరత్ మరార్ సంయుక్తంగా నిర్మిస్తున్నారు.