బంగార్రాజుపై ఉత్కంఠకు తెర

రెండేళ్లుగా నాగార్జున `బంగార్రాజు` ప్రాజెక్ట్ నిరంత‌రం వార్త‌ల్లో నానుతోంది. క‌ళ్యాణ్ కృష్ణ బౌండ్ స్క్రిప్టు రెడీ చేసి ఇంత‌కాలం నాగార్జున కోసం వేచి చూశారు. ఎట్ట‌కేల‌కు ఈ ప్రాజెక్టు పై ఉత్కంఠకు తెరపడింది. వచ్చే వారం నుండి ఈ సినిమా సెట్స్ పైకి వెళ్లనుంది. బ్లాక్ బస్టర్ సోగ్గాడే చిన్ని నాయనా (2016) కి ఇది ప్రీక్వెల్ క‌థ‌తో తెర‌కెక్కుతోంది.

సీక్వెల్ కాని ప్రీక్వెల్ కాబట్టి ర‌క‌ర‌కాల ఊహాగానాలు సాగుతున్నాయి. ఈసారి నాగార్జున బడ్జెట్ ప‌ర‌మైన రాజీ లేకుండా మంచి ప్రొడ‌క్ట్ ఇవ్వాల‌ని త‌పిస్తున్నార‌ట‌. సోగ్గాడే చిన్ని నాయనా భారీ విజయం సాధించిన నేప‌థ్యంలో ప్రీక్వెల్ తోనూ హిట్టు కొట్టాల‌న్న‌ది నాగ్ పంతం. నిర్మాణ విలువల విష‌యంలో కింగ్ అస‌లు రాజీ కి రావ‌డం లేదు. క‌ళ్యాణ్ కృష్ణ‌కు క్రియేటివ్ ఫ్రీడ‌మ్ ని ఇచ్చారు. అలాగే ఆర్ట్ డైరెక్టర్ రవీందర్ పర్యవేక్షణలో భారీ సెట్ నిర్మిస్తున్నారు.

ఇటీవ‌ల కొంత‌కాలంగా నాగార్జున బాక్సాఫీస్ వద్ద హిట్ సాధించలేదు. మ‌న్మ‌ధుడు 2 డిజాస్ట‌ర్ అయ్యాక .. వైల్డ్ డాగ్ మంచి సమీక్షలను సంపాదించినప్పటికీ మ‌హ‌మ్మారీ కారణంగా క‌లెక్ష‌న్లు స‌రిగా రాలేదు. అందుకే బంగార్రాజుపై నాగార్జున చాలా ఆశలు పెట్టుకున్నాడు. ఈ చిత్రంలో నాగ చైతన్య కూడా కనిపించనుండ‌డం అక్కినేని అభిమానుల‌కు బోన‌స్ లాంటిది. చైతూ సరసన కృతి శెట్టి నటించ‌నుంది. బిగ్ బాస్ ఫేమ్ మోనాల్ గజ్జర్ కూడా న‌టించ‌నున్నారు. అనూప్ రూబెన్స్ ఈ చిత్రానికి సంగీతం అందిస్తున్నారు.