వాయిదా మంత్రం వెనుక నాగ్ తంత్రం

అఖిల్ మామూలోడు కాదు. మొదటి మూవీ రిలీజ్ కే ఇండస్ట్రీని షేక్ చేసేస్తున్నాడు అక్కినేని వారసుడు. అఖిల్ చిత్రానికి హెల్ప్ చేసేందుకు మిగతా సినిమాలు తప్పుకోవడమంటే మామూలు విషయం కాదు. కొన్ని స్వచ్ఛందంగా జరుగుతుంటే.. మరికొన్నింటి వెనుక నాగ్ ఉన్నాడని తెలుస్తోంది.

నిఖిల్ శంకరాభరణం ను నవంబర్ 20నుంచి డిసెంబర్ 4కి వాయిదా వేశాడు కోన వెంకట్. చీకటి రాజ్యం చిత్రాన్ని నవంబర్ 20కి పోస్ట్ పోన్ చేసుకున్నాడు కమల్ హాసన్. ఈ మూవీ తమిళ్ వెర్షన్ తూంగావనం నవంబర్ 10నే రిలీజ్ కానుండగా.. తెలుగులో మాత్రం 10 రోజులు ఆలస్యంగా రిలీజ్ కానుందన్నమాట. మరోవైపు దీపావళికి రానున్న అజిత్ మూవీ వేదాలం డబ్బింగ్ వెర్షన్ ఆవేశం ని కూడా తెలుగులో లేట్ గానే రిలీజ్ చేయాలని నిర్ణయించారు. ఇదంతా అఖిల్ కోసమే అని వేరే చెప్పాల్సిన పనిలేదు. అయితే ఇదంతా నాగార్జున చొరవ వలనే జరిగిందని ఇండస్ర్టీ టాక్‌. కమల్‌ వంటి పెద్దలు సైతం సైడ్‌ ఇవ్వడమంటే ఏదో సింపుల్‌ యవ్వారం కాదని.. దానికి నాగ్‌ ఎంతో కృషి చేశారని చెబుతున్నారు.

అఖిల్ మూవీకి 45 కోట్ల ప్రీ రిలీజ్ బిజినెస్ జరిగింది. ఇంతమొత్తాన్ని రాబట్టి, బయ్యర్లకు లాభాలొచ్చేలా చేసి హిట్ అనిపించాలంటే.. కనీసం 3 వారాల సమయం పడుతుంది. ఇందులో రెండువారాలు సోలో పెర్ఫామెన్స్ ఉండాలి. అందుకే తన స్నేహితులను, పరిచయస్తులను ప్రత్యేకంగా కోరి మరీ.. ఆయా చిత్రాల విడుదల వాయిదా వేయిస్తున్నాడు నాగ్. ఇకపోతే అక్కినేని వంశం నుంచి వచ్చిన మొదటి అరంగేట్ర మాస్ హీరో.. అఖిల్ సంచనాలకు మరో వారం మాత్రమే గ్యాప్ ఉండడంతో.. చాలా చోట్ల ఫ్యాన్స్ సందడి మొదలైపోయింది.