అఖిల్ కెరీర్ పై నాగార్జున‌ కామెంట్.. ‘బ్యాచిలర్’ గురించి ఏమీ తెలియదట!

టాలీవుడ్ కింగ్ నాగార్జున అప్ క‌మింగ్ మూవీ ‘వైల్డ్ డాగ్‌’. ఈ చిత్రం ఏప్రిల్ 2న రిలీజ్ కాబోతోంది. ఈ నేప‌థ్యంలో మూవీ ప్ర‌మోష‌న్లో పాల్గొంటున్నారు నాగ్. ఈ సంద‌ర్భంగా ఇచ్చిన ఇంట‌ర్వ్యూలో కొడుకు అఖిల్ గురించి కీల‌క వ్యాఖ్య‌లు చేశారు. ఆయ‌న కెరీర్ తోపాటు రాబోయే సినిమా గురించి కూడా మాట్లాడారు.

ఎలాగైనా మొద‌టి బ్లాక్ బ‌స్ట‌ర్ హిట్ కొట్టాల‌ని ఫుల్ ఎఫ‌ర్ట్ తో ట్రై చేస్తున్న అఖిల్.. త్వ‌ర‌లో ‘మోస్ట్ ఎలిజిబుల్ బ్యాచిల‌ర్’ అంటూ రాబోతున్నాడు. ‘బొమ్మరిల్లు’ భాస్కర్ ‌దర్శకత్వంలో తెరకెక్కుతున్న ఈ సినిమాలో పూజా హెగ్డే హీరోయిన్ గా నటిస్తోంది. అయితే.. ఈ సినిమా ఎంపిక‌లో మీ పాత్ర ఎంత వరకు ఉందన్న ప్రశ్నకు నాగ్ స్పందించారు.

‘మోస్ట్ ఎలిజిబుల్ బ్యాచిల‌ర్’ గురించి అసలు తనకేమీ తెలియదని చెప్పారు. ఆ సినిమా స్క్రిప్టు విషయంలోనూ తాను ఎలాంటి సలహాలూ ఇవ్వ‌లేద‌ని తెలిపారు. త‌న సొంత ఆలోచ‌న‌ల‌తో క‌థ‌ల‌ను ఎంచుకునే తెలివి అఖిల్ కు ఉంద‌ని, అందుకే తాను జోక్యం చేసుకోవ‌ట్లేద‌ని చెప్పారు నాగార్జున‌.

ఇక‌, అఖిల్ కెరీర్ గురించి కూడా మాట్లాడారు. మొద‌ట‌గా అఖిల్ ను ప్రేక్ష‌కులు అంగీక‌రించార‌ని, ఆహ్వానించార‌ని చెప్పారు. ఇది త‌న‌కు చాలా సంతోషంగా ఉంద‌ని అన్నారు. ఇక‌, మిగిలింది స‌క్సెస్ మాత్ర‌మేన‌ని, అది కూడా త్వ‌ర‌లో వ‌చ్చేస్తుంద‌న్నారు నాగ్‌. ఈ చిత్రం జూన్ 19న రిలీజ్ కాబోతోంది.

ఇదిలాఉంటే.. ‘వైల్డ్ డాగ్’ ప్ర‌మోష‌న్ ఓ రేంజ్ లో సాగుతోంది. ఈ ప్ర‌మోష‌న్లో ‘బిగ్ బాస్’ కంటిస్టెంట్ గంగవ్వ పాల్గొన్నారు. ఈ సంద‌ర్భంగా ఆమె నాగార్జున ఫ్యామిలీకి సంబంధించిన ప‌ర్స‌న‌ల్ క్వ‌శ్చ‌న్స్ కూడా అడిగారు. పెద్ద‌కొడుకు (చైతూ) - కోడ‌లు(స‌మంత‌) మ‌న‌వ‌ళ్ల‌ని ఇస్తున్నారా? అని అడ‌గ్గా.. తాను కూడా వెయిట్ చేస్తున్నాన‌ని చెప్పారు నాగ్‌.

మ‌రి, చిన్న‌కొడుకు పెళ్లి ఎప్పుడ‌న్న ప్ర‌శ్న‌కు.. అత‌నికే వ‌దిలేశాన‌ని చెప్పారు కింగ్‌. అలా వదిలేయొద్దని, తమ ఊళ్లో చాలా మంది అమ్మాయిలు ఉన్నారని, తాను పిల్ల‌ను చూస్తాన‌ని గంగవ్వ చెప్ప‌డంతో.. న‌వ్వేశారు నాగ్‌. వీరి చాట్ తో ‘వైల్డ్ డాగ్’ కు మంచి ప్ర‌మోష‌న్ ల‌భించిన‌ట్లైంది.