ఆ వీకెండ్ అయ్యాక నాగ్ భయపెడతాడు

ఇప్పుడంతా కూడా కొన్ని చిన్న సినిమాల గ్రూప్ ఎటాక్ కోసం ఎదురుచూస్తున్నారు. ఈ మధ్య కాలంలో బ్యాక్ టు బ్యాక్ ఒకేసారి బోలెడన్ని సినిమాలు వచ్చిందే లేదు. అందరూ ఒక్కో వారం అంటూ పంచేసుకున్నారు. అయితే ఆగస్టు 11న ఇండిపెండెన్స్ డే వీకెండ్ సందర్బంగా.. నితిన్ లై.. సాయిధరమ్ తేజ్ జవాన్.. మొదలగు సినిమాలన్నీ అదే డేటును టార్గెట్ చేస్తున్నాయి. అయితే అక్కినేని నాగార్జున మాత్రం.. వీరందరికీ టైమ్ ఇచ్చి.. తరువాత ప్రశాంతంగా వస్తాడట.

చాలా రోజుల నుండి నాగార్జున సోలో సినిమా కోసం అభిమానులు ఎదురు చూస్తున్న సంగతి తెలిసిందే. అయితే అనూహ్యంగా ఆయన హారర్ నేపథ్యంలో సాగే కామెడీ అయిన ''రాజు గారి గది'' సినిమాకు యాంకర్ ఓంకార్ తీయనున్న సీక్వెల్ లో చేయడానికి ఒప్పుకున్నారు. ఆ సినిమా షూటింగ్ కూడా ఆల్రెడీ పూర్తి కావొస్తోంది. పైగా ఈ సినిమాలో కోడలు సమంత ఒక దెయ్యంగా.. అలాగే తన అందచందాలతో ఊరిస్తున్న సీరత్ కపూర్ హీరోయిన్ గా కనిపిస్తున్నారు. ఈ సినిమాను ఆగస్టు 25న రిలీజ్ చేయాలని నాగ్ డిసైడ్ చేశారట.

అదేంటండీ.. ఇండిపెండెన్స్ డే వీకెండ్ మొత్తం పూర్తయ్యాక.. అప్పుడు నాగ్ టార్గెట్ చేయడమేంటి.. అదేదో ఓ వారం ముందే వస్తే చక్కగా క్యాష్‌ చేసుకోవచ్చుగా? మన లెక్కలు మనకుంటే నాగ్ లెక్కలు నాగ్ కు ఉన్నాయ్. ఏమాత్రం కంటెంట్ అనేదే లేని రారండోయ్ వేడుకచూద్దాం సినిమాతో ఆయన నాగ చైతన్య ఒక బ్లాక్ బస్టర్ ఇప్పించారు.. అలాంటప్పుడు ఇంప్రెసివ్ వర్క్ చేస్తున్న ఓంకార్ కు ఒక బ్లాక్ బస్టర్ ఇవ్వరేంటండీ!!

Like Us on Facebook : https://www.facebook.com/Tupakidotcom/