నాగ్ అండ్ సుమంత్.. మీడియా ఫిట్టింగే

అప్పట్లో కింగ్ నాగార్జున అండ్ సుమంత మధ్యన ఏవేవో విభేదాలు వచ్చేశాయని మీడియాలో చాలా టాక్స్ వినిపించాయి. ఆ తరువాత వీరిద్దరి మధ్యన జరుగుతున్న ప్రతీ విషయాన్ని భూతద్దంలో పెట్టి చూసి.. ఏవో గొడవులు ఉన్నాయంటూ రాయడం పరిపాటి అయిపోయింది.

ఆ మధ్యన ఒక అక్కినేని ఆడియో ఈవెంటుకు కుటుంబీకులు అందరూ వచ్చినా కూడా సుమంత్ రాకపోవడంతో.. అబ్బే సుమంత్ కు కోపం తగ్గలేదు అని రూమర్లు బయలుదేరాయి. బంజారా హిల్స్ లోని ఒక ప్రాపర్టీ దివంగత అక్కినేని సుమంత్ కు ఇచ్చారని ఇతర అక్కినేని కుటంబీకులు ఫీలయ్యారంటూ ఇంకొన్ని గాసిప్పులు పుట్టుకొచ్చాయి. అయితే అవన్నీ వట్టిదేనని మనం కింగ్ నాగ్ ట్వీట్ చూసి అర్ధంచేసుకోవచ్చు. ''త్వరలోనే సుమంత్ నరుడా డోనరుడా అంటూ వస్తున్నాడు. ఫస్ట్ లుక్ చాలా ఇంట్రస్టింగ్ గా ఉంది. సుమంత్ ఏం డొనేట్ చేస్తాడోనని నేను కూడా ఎదురుచూస్తున్నా'' అంటూ ఆయన సుమంత్ సినిమా ఫస్ట్ లుక్ రిలీజ్ చేశాడు. ఈ ట్వీట్ చూస్తే ఆయనకు తన మేన్లలుడు అంటే ఎంతిష్టమో తెలియట్లేదా?

ఇప్పటికే 'చిన మామ' తన సినిమా ఫస్ట్ లుక్ రిలీజ్ చేస్తాడని సుమంత్ ఆల్రెడీ ప్రకటించేశాడు కాబట్టి.. అతనికి కూడా నాగ్ అంటే ఎంత ప్రేమ అనే విషయం చెప్పకనే చెబుతున్నాడు. అంటే వీరి మధ్యన వచ్చిన గ్యాప్ తాలూకు రూమర్లన్నీ మీడియా పెట్టిన ఫిట్టింగేగా!!