అక్కినేని ఎదురుచూపులు తీరినట్టే!

మజిలి రన్ సక్సెస్ ఫుల్ గా కొనసాగుతోంది. ఏ రేంజ్ హిట్ ఫైనల్ ఫిగర్ ఎంత రావొచ్చు అనేది ఇప్పుడే చెప్పడం తొందరపాటు అవుతుంది కాని ఫస్ట్ వీక్ అయ్యాక ఇంకాస్త క్లారిటీ వస్తుంది. దీని ఫలితం విషయంలో అక్కినేని కాంపౌండ్ చాలా హ్యాపీగా ఫీలవుతోంది. ముఖ్యంగా చైతు హిట్ చూసి రెండేళ్ళు దాటింది. యుద్ధం శరణం-శైలజారెడ్డి అల్లుడు-సవ్యసాచి ఏదీ పూర్తి స్థాయి అంచనాలు అందుకోలేకపోయింది.

దానికి తోడు అఖిల్ సైతం మిస్టర్ మజ్ను రూపంలో డిజాస్టర్ అందుకోవడంతో నాగ్ పైకి చూపించకపోయినా ఎంతో కొంత ఆందోళన అయితే ఉంటుంది. అయితే దానికి చెక్ పెట్టె దిశగా మజిలి రిజల్ట్ దక్కడంతో అఖిల్ పుట్టినరోజుని సైతం గ్రాండ్ గా సెలెబ్రేట్ చేసుకున్నట్టు సమాచారం. కోడలు అడుగుపెట్టిన వేళా విశేషం ఏమో కాని తనతో కలిసి నటించిన సినిమాతోనే చైతు హిట్టు కొట్టడం గమనార్హం

సో కొత్త ఏడాదిలో మజిలితో పరాజయాల పరంపరకు బ్రేక్ పడిపోయిందని అక్కినేని కాంపౌండ్ ఫీలింగ్. ఇప్పుడు నాగ్ చేస్తున్న మన్మధుడు 2 మీద కూడా మంచి అంచనాలు ఉన్నాయి కాబట్టి అవి కనక నిలబెట్టుకుంటే గత కొత్త కాలంగా తనకూ హిట్ లేక ఇబ్బంది పడుతున్న నాగార్జునకు రిలీఫ్ దక్కుతుంది.

ఈ లోపు అఖిల్ నాలుగో సినిమాకు రంగం సిద్ధం చేయాలి. బొమ్మరిల్లు భాస్కర్ తో ఉండొచ్చనే టాక్ గట్టిగానే వినిపిస్తోంది కాని అధికారిక ప్రకటన మాత్రం ఎంతకీ రావడం లేదు. ఇంకొంచెం టైం పట్టొచ్చని ఇన్ సైడ్ టాక్. మొత్తానికి మజిలి రూపంలో దక్కిన విజయం అక్కినేని కుటుంబాన్ని సెలెబ్రేషన్ మూడ్ లోకి తీసుకెళ్ళిన మాట వాస్తవం