కాలాన్ని ఎదురించే మొన‌గాడు `బంగార్రాజు`

టైమ్ ట్రావెల్ సినిమాలు చూశాం కానీ.. టైమ్ నే ఎద‌రించే హీరో సినిమాల్ని చ‌డ‌లేదు. కానీ ఇప్పుడు తెలుగు ఆడియెన్ కి అలాంటి స‌ద‌వ‌కాశం క‌ల్పించ‌బోతున్నాడు బంగార్రాజు. ఈ సినిమాని స‌కాలంలో రిలీజ్ చేసేందుకు చిత్ర‌నిర్మాత‌లు స‌ర్వం సంసిద్ధంగా ఉన్నారు. ఇప్ప‌టికే సంక్రాంతి బ‌రిలో బంగార్రాజు దిగిపోతాడ‌ని టీమ్ ప్ర‌క‌టించిన సంగ‌తి తెలిసిందే. అందుకే మేకర్స్ సమయంతో పోటీ పడుతున్నారు .. షూటింగ్ లో బిజీ బిజీగా ఉన్నారు. ఈ సినిమా 60శాతం షూటింగ్ ఇప్ప‌టికే పూర్తి చేసుకున్నట్లు తెలిసింది.

ప్రస్తుతం రాజమండ్రిలో షూటింగ్ జరుగుతోంది. దర్శకుడు కళ్యాణ్ కృష్ణ శరవేగంగా సన్నివేశాలను తెర‌కెక్కించే పనిలో బిజీగా ఉన్నాడు. నాగార్జున- రమ్యకృష్ణ కీలక పాత్రల్లో నటిస్తున్న ఈ చిత్రంలో చై అక్కినేని- కృతిశెట్టి ఇతర ప్రధాన పాత్రలు పోషిస్తున్నారు.

ఈ సినిమాలోని చై లుక్ ఇటీవ‌ల‌ సోషల్ మీడియాలో వైరల్ గా మారింది. లీక్డ్ ఫోటోలో కనిపిస్తున్న చై ప్రింటెడ్ ఫ్లోర‌ల్ షర్టు ధరించి చిన్నపాటి గడ్డంతో క‌నిపించాడు. నాగార్జున న‌టించిన‌ హిట్ చిత్రం `సోగ్గాడే చిన్ని నాయనా` సీక్వెల్ అయిన ఈ చిత్రంలో అతని రూపం ఎలా ఉంటుంది? ఎలాంటి పాత్ర‌లో న‌టిస్తున్నాడు? అన్న చ‌ర్చా కొన‌సాగుతోంది. నాగ‌చైతన్య లుక్ ని అధికారికంగా రిలీజ్ చేయాల్సి ఉంది. మ‌నం లాంటి క్లాసిక్ త‌ర్వాత నాగార్జున‌- నాగ‌చైత‌న్య కాంబినేష‌న్ రిపీట‌వుతుండ‌డంతో అక్కినేని అభిమానులు ఎంతో ఎగ్జ‌యిటింగ్ గా ఉన్నారు. తెర‌పై మ‌రోసారి ఆ ఇద్ద‌రి కెమిస్ట్రీ ఏ రేంజులో పండ‌నుందో వేచి చూడాలి.

నాగ్ వ‌రుస ప్ర‌యోగాలకు బ్రేక్ లేదు!

కింగ్ నాగార్జున న‌టించిన వైల్డ్ డాగ్ మంచి స‌మీక్ష‌లు అందుకుని క‌రోనా క్రైసిస్ వ‌ల్ల బాక్సాఫీస్ వ‌ద్ద విఫ‌ల‌మైన సంగ‌తి తెలిసిందే. వైల్డ్ డాగ్ నాగార్జున కెరీర్ లో ప్ర‌యోగాత్మ‌క చిత్రం. ఆ త‌ర్వాత కూడా ఆయ‌న ఆ దారిని వీడ‌లేదు. ఇటీవ‌ల బ్యాక్ టు బ్యాక్ డిఫ‌రెంట్ జాన‌ర్ చిత్రాలు చేస్తోన్న సంగ‌తి తెలిసిందే. న‌వ‌త‌రం హీరోల‌కు పోటీగా కాకుండా వైవిధ్య‌మైన క‌థ‌లు.. పాత్ర‌లను ఎంపిక చేసుకుని నాగ్ ప‌రుగులు తీస్తున్నారు. మార్కెట్ లో త‌నదైన‌ బ్రాండ్ తో స‌క్సెస్ అయ్యే జాన‌ర్ల‌ని నాగ్ ట‌చ్ చేస్తున్నారు. క‌మ‌ర్శియ‌ల్ సినిమాలతో పాటు ప్ర‌యోగాలతో స‌క్సెస‌య్యేలా ప‌క్కా ప్లాన్ తో బ‌రిలోకి దిగుతున్నారు. ప్ర‌వీణ్ స‌త్తారు ఘోస్ట్ లో నాగ్ ప్ర‌యోగాత్మ‌క పాత్ర‌ను చేస్తున్నారు. ఇది హారర్ థ్రిల్ల‌ర్ చిత్ర‌మ‌ని ఫ‌స్టు లుక్ మోష‌న్ పోస్ట‌ర్ తోనే అర్ధ‌మైంది. పోస్ట‌ర్ డిజైన్ ఆద్యంతం ఆక‌ట్టుకుంది. బ్లాక్ అండ్ వైట్ లో డిజైన్ చేసిన పోస్ట‌ర్ లో నాగార్జున లుక్ ఆద్యంతం ఆస‌క్తిని రేకెత్తిస్తోంది. తొలి పోస్ట‌ర్ లుక్ తోనే ఘోస్ట్ పై బెస్ట్ ఇంప్రెష‌న్ ప‌డింది. థ్రిల్ల‌ర్..సస్పెన్స్ అంశాలు హైలైట్ గా ఉంటాయ‌ని తెలుస్తోంది. ఇందులో కాజ‌ల్ అగ‌ర్వాల్ హీరోయిన్ గా న‌టిస్తోంది. తాజాగా ఈ చిత్రంలో అక్కినేని అఖిల్ గెస్ట్ రోల్ చేస్తున్న‌ట్లు ఇన్ సైడ్ టాక్ వినిపిస్తోంది.