కింగ్ అలాంటి పొరపాటు చేస్తాడా

గత ఏడాది తనకూ వారసులకు బాక్స్ ఆఫీస్ పరంగా బ్యాడ్ మెమోరీస్ మూటగట్టుకున్న కింగ్ నాగార్జున ఎట్టకేలకు నాగ చైతన్య మజిలీతో సూపర్ సక్సెస్ కొట్టడంతో రిలాక్స్ అవుతున్నాడు. అందులోనూ కోడలు సమంతానే హీరోయిన్ కాబట్టి ఆనందం రెట్టింపయ్యింది. ప్రస్తుతం మన్మధుడు 2 షూటింగ్ ని ఎడతెరిపి లేకుండా నాన్ స్టాప్ గా చేయిస్తున్న నాగ్ వీలైనంత త్వరగా పూర్తి చేసి ఫస్ట్ కాపీ సిద్ధం చేయాలనీ దర్శకుడు రాహుల్ రవీంద్రన్ ను పురమాయించాడట.

ఎలాగూ ఫుల్ స్క్రిప్ట్ తో సిద్ధంగా ఉన్నాడు కాబట్టి రాహుల్ కూ అదేమంత సమస్య కాదు. ఇంకా పాటల చిత్రీకరణ బాలన్స్ ఉంది. సమంతా కీర్తి సురేష్ చేస్తున్న క్యామియోలను కూడా ఆల్రెడీ ఫినిష్ చేశారు. కొంత కీలకమైన టాకీ పార్ట్ తప్పించి ఆల్మోస్ట్ ఎండింగ్ కు వచ్చారని తెలిసింది. అయితే ఇక్కడో చిక్కు వచ్చి పడింది. రిలీజ్ డేట్ విషయంలో నాగ్ టీం మల్లగుల్లాలు పడుతున్నట్టు సమాచారం. ఆగస్ట్ 9న విడుదల చేయాలనే ఆలోచన ఉన్నప్పటికీ కేవలం ఆరు రోజుల గ్యాప్ లో సాహో వస్తుంది కాబట్టి అంత రిస్క్ చేయడం ఎందుకనే కోణంలోనే అధిక శాతం అభిప్రాయాలు వ్యక్తం చేయడంతో పునరాలోచనలో పడ్డట్టు తెలిసింది.

సాహో సునామికి ధియేటర్లు ఇతర సినిమాలకు దొరకడం కష్టమే. నాగ్ కు నెట్వర్క్ ఉన్నప్పటికీ ప్రేక్షకులు సాధారణంగా ప్రభాస్ వైపే మొగ్గు చూపుతారు. అందుకే అది వదిలేసి ఇంకో ఆప్షన్ ఎంచుకునే ఆలోచనలో ఉన్నారట. పోనీ ఆగస్ట్ ఫస్ట్ వీక్ అనుకుంటే శర్వానంద్ రణరంగం కోసం ఆల్రెడీ లాక్ అయిపోయింది. సో మూడు లేదా నాలుగో వారానికి షిఫ్ట్ కావడం సేఫ్ గేమ్ అవుతుంది. నాగ్ ఎలాంటి నిర్ణయం తీసుకుంటాడో మరి