చైతో క‌లిసి ప‌ని చేసేందుకు కింగ్ త‌ప‌న‌

కింగ్ నాగార్జున న‌టిస్తున్న మోస్ట్ అవైటెడ్ చిత్రం `బంగార్రాజు` ఇటీవల ప్రారంభ‌మైన సంగ‌తి తెలిసిందే. క‌ళ్యాణ్ కృష్ణ ద‌ర్శ‌క‌త్వం వ‌హిస్తున్నారు. ర‌మ్య‌కృష్ణ‌- కృతి శెట్టి క‌థానాయిక‌లు. నేడు నాగార్జున పుట్టినరోజు స్పెషల్ గా నాగ చైతన్య ఈ బర్త్ డే స్పెషల్ పోస్టర్ ను విడుదల చేశారు. మనం తర్వాత నాగార్జున - నాగ చైతన్యలను బంగార్రాజు చిత్రంతో ఒకే ఫ్రేమ్ లోకి తీసుకువస్తున్నారు.

పోస్టర్ ని విడుదల చేస్తూ నాగ చైతన్య మాట్లాడుతూ `` మై కింగ్ నాగార్జున గారికి పుట్టినరోజు శుభాకాంక్షలు .. కాబట్టి మీతో మళ్లీ స్క్రీన్ పంచుకోవడానికి ఎదురుచూస్తున్నాను! ఎల్లప్పుడూ మంచి ఆరోగ్యం సంతోషంతో మీరు ఉన్నందుకు ధన్యవాదాలు !! మీపై మా అనంత‌మైన ప్రేమ ఇలానే ఉంటుంది`` అని అన్నారు. ఆ తరువాత నాగార్జున చైతన్యతో కలిసి పనిచేయడానికి ఎదురుచూస్తున్నానని నాగార్జున తెలిపారు . ``థాంక్యూ రా చాయ్ !! నిజంగా మీతో కలిసి పనిచేయడానికి ఎదురుచూస్తున్నా... ఇది చాలా సరదాగా ఉంటుంది`` అని నాగార్జున పోస్ట్ చేసారు.

ఈ పోస్టర్ కు అభిమానులు ప్రేక్షకుల నుండి అద్భుతమైన స్పందన వచ్చింది. సోగ్గాడే చిన్ని నాయనా రెండవ భాగం తండ్రి-త‌న‌యుల తో మల్టీస్టారర్ కనుక ఇది ఒక చిరస్మరణీయ ప్రాజెక్ట్ గా నిలుస్తుంద‌న‌డంలో సందేహ‌మేం లేదు. ఈ చిత్రాన్ని అన్నపూర్ణ స్టూడియోస్ జీ స్టూడియోస్‌తో పాటు నిర్మిస్తోంది. ఈ చిత్రంలో అఖిల్ కూడా న‌టిస్తార‌న్న గుస‌గుస ఉంది. అయితే దీనిపై నాగ్ బృందం అధికారికంగా వెల్ల‌డించాల్సి ఉంది. నాగ్ అండ్ చై .. ఒకరికోసం ఒక‌రు ఒక్క‌టిగా! క‌లిసి వ‌స్తున్నారు. ఇది అభిమానుల‌కు క‌న్నుల పండుగ‌ను తేనుంది. బంగార్రాజుతో పాటు నాగార్జున కూడా ఘోస్ట్ అనే మరో సినిమా షూటింగ్ చేస్తున్నారు. ఘోస్ట్ నుండి ఒక పోస్టర్ కూడా విడుదలైంది దీనికి అద్భుతమైన స్పందన వచ్చింది. ప్ర‌వీణ్ స‌త్తారు ఈ చిత్రానికి ద‌ర్శ‌క‌త్వం వ‌హిస్తున్నారు.