నాగ్ సినిమాపై ఇంకా సస్పెన్స్

చిరు, బాలయ్య, వెంకీ ఒక్కో సినిమాతో ప్రేక్షకులను ఎంటర్టైన్ చేయడానికి రెడీ అవుతుంటే నాగ్ మాత్రం సైలెంట్ గా బిగ్ బాస్ తో సరిపెట్టేసుకుంటున్నాడు. 'మన్మధుడు 2' విడుదలై నెల దాటినా ఇంత వరకూ నెక్స్ట్ సినిమా అనౌన్స్ చేయలేదు నాగ్. ఈ విషయం ఇప్పుడు అక్కినేని ఫ్యాన్స్ కి హాట్ టాపిక్ గా మారింది. మొన్న బర్త్ డే కి కూడా నాగ్ నుండి సినిమా అనౌన్స్ మెంట్ వస్తుందని ఊహించిన అభిమానులకు నిరాశే మిగిలింది.

నిజానికి 'మన్మధుడు 2 'కంటే ముందే నాగ్ 'బంగార్రాజు' చేస్తాడని అనుకున్నారు. కానీ ఆ సినిమా ఎందుకో పోస్ట్ పోన్ అవుతూ వస్తుంది. ఆ మధ్య కళ్యాణ్ కృష్ణ ఏదో విచారంలో ఉన్నాడని అందుకే అతడ్ని డిస్టర్బ్ చేయట్లేదని చెప్పుకొచ్చాడు కింగ్. కానీ అది జరిగి దాదాపు రెండు నెలలైంది. కానీ ఇంత వరకూ ఆ సినిమా గురించి ఎలాంటి అప్డేట్ లేదు.

ఎప్పటి నుండో కళ్యాణ్ అండ్ టీం స్క్రిప్ట్ మీద కూర్చున్నారు. కానీ ఇంత వరకూ కథ కొలిక్కి రాలేదు. మరో వైపు స్క్రిప్ట్ డాక్టర్ అనిపించుకున్న సత్యానంద కూడా కథ చర్చల్లో పాల్గొన్నాడట. అయినా ఈ సినిమా కథ ఫైనల్ అవ్వలేదు. ఇది ఇలాగే కొనసాగితే 'బంగార్రాజు' వచ్చే ఏడాదికి గానీ సెట్స్ పైకి వెళ్ళేలాలేదు.. మరో పక్క 'మన్మధుడు 2' తర్వాత నాగ్ కూడా నెక్స్ట్ సినిమాపై మరింత కేర్ తీసుకుంటున్నాడు. అందుకే బంగార్రాజు ఇంకా లేట్ అవుతుందనే వాదన టాక్ కూడా ఉంది. మరి నాగ్ నుండి 'బంగార్రాజు' సినిమా అనౌన్స్ మెంట్ వచ్చేదేప్పుడో..?