పాటలే తియ్యలేదు.. కామెడీ తీసేశాను

ప్రస్తుత రోజుల్లో ఒక సినిమా బావుంటే ఎవరు ఏం చెప్పినా ప్రేక్షకులు పట్టించుకోరు. ఒకసారి వారికి సినిమాపై ఆసక్తి పెరిగిందంటే చాలు ఎలాగైనా సినిమాను చూస్తారు. ఆ తర్వాత సినిమా పరిస్థితి ఏమిటనేది తెలిసిపోతోంది. అయితే సినిమా మొదట దర్శకుడు హీరోకి చెప్పినట్లు తీయకపోవచ్చు. దీంతో అక్కడ చాలా తేడాలు వస్తాయి. అందుకే ఎడిటింగ్ టేబుల్ దగ్గర అనేక మార్పులు చేస్తారు.

అయితే టాలీవుడ్ కింగ్ ఆక్కినేని నాగార్జున మాత్రం ముందే తన సినిమాకు రివ్యూను ఇచ్చేసుకున్నారు. రాజు గారి గది 2 సినిమా గురించి పూర్తిగా గొప్పలు చెప్పకుండా సినిమాలో ఏముంది.. అసలు ఏమి లేదనే విషయాన్ని రిలీజ్ కు ముందు రోజే చెప్పేశారు. సినిమాలో కొన్ని ప్లస్ పాయింట్స్ తో పాటు నెగిటివ్ పాయింట్స్ కూడా ఉన్నాయని నాగ్ వివరించారట. అయితే సినిమా విడుదల తర్వాత కూడా నాగ్ చెప్పిన పాయింట్స్ కరెక్ట్ అయ్యాయి అంటున్నారు. ''అసలు ఈ సినిమా కోసం మేము పాటలు అనేవే షూట్ చేయలేదు. నా పాత్ర రొమాన్స్ చేస్తే బాగోదు. సో పాటల షూట్ చేసి తీసేశాం అనుకోవడం తప్పు. కాకపోతే కామెడీ సీన్లు మాత్రం ఓ రెండు సీన్లను తీసేశాం. అది నేనే కాదు.. ఓంకార్ పివిపి తమన్ కూడా ఆ సీన్లు వద్దనే చెప్పారు'' అంటూ కన్ఫామ్ చేశాడు నాగ్.

తనకు సంబందించిన ప్రతి సినిమా గురించి నాగ్ చాలా జాగ్రత్తలు తీసుకుంటారు. ఆయనకున్న అనుభవంతో ప్రతి విషయంలో ఎంతో కొంత తన ప్రమేయంతో తన ఆలోచనను అక్కడ ప్రస్తావిస్తూ.. ఉంటారు. కాని అన్నిసార్లు ఇది కరక్ట్ అవుతుందా అనేదే చూడాల్సిన విషయం.